Hla thupui: "Aw a mak Lalpa"
Covid leia Lockdown in insung tin nasa takin a chawk buoi a. Mrs. J. Ramchullo le a sungkuo khawm khawsak, fak le dawn zawngna kawnga harsatna tam tak an tuok ve a. Chuong harsatna hai chu Pathien ṭhatna le ropuina inhmu zuoltirtu an lo ni lem hlau a. Chuong harsatna hai chu a nunah Lalpa'n lawmna in thleng pek a. Harsatna kara hlim le lungawi taka siemtu Pathien chu hla in a ziek suok ta a nih.
Words: J. Ramchullo
Tune: Rev. Lalngailien Puruolte
Harmonized: L. Nundang Inbuon
Singers-
1. Lalneimawi Puruolte
2. Lalhluopui Infimate
3. Upa Lalmalsawm Infimate
Studio: Envision Records, Shanveng, Ccpur
Videography: Lalditsang@Sang Pulamte Video Production
Lyrics:
Aw a mak ngei Lalpa, I mi ṭhuoi dân hai hi,
Hmu thei le hmu thei lova I malsâwmna ka dawng hai hi;
Mak tina in ka sip ka chunga i hmangaina,
Inpâk le le chawimâwi tlâk i lo nih.
Khawvêl a hin ieng am suong ding ka nei luo a,
Ieng thil am uongpui ding hi ka nei a!
Lal lungsientna le a hmangaina ka chang hi,
A hun tâwk suongin lâwm pei ka tih
Ka lung a âwi Lalpa malsâwmna ka dawng hai,
Nuorna ding zawng hlak lang khawm
Lâwmna in ka sip lem hlak si;
Van dâidaw'n i mi châwm, ka chunga châwl lovin,
Zui ka che, châwlna ṭha mi petu.
Ka Kros phur rik sienkhawm, zui pei ka che Lalpa,
Harsatna kara vântieng rimâwi min hriettir zing la aw;
Hi thi thei ka taksa, vûi rala a um hma chu,
Zui ka che ka damsûng thi chenin.
Ri thlipui hung hrangin, ka nun hi nuoi sienkhawm,
Inhning naw nih chatuon Krista lungpui nghet ka nei ta si;
Ka vawi tieng le chang tieng a kut hratin a mi ṭhuoi,
Zion nauhai kan lam dêr dêr ie.
