Zyrtarët e Bashkimit Evropian kanë reaguar ashpër ndaj një vizite befasuese të kryeministrit të Hungarisë, Viktor Orban, në Rusi të premten dhe janë distancuar prej tij. Orban mbërriti në Moskë një javë pasi Budapesti e mori udhëheqjen gjashtëmujore të presidencës së BE-së dhe tri ditë pasi i paraqiti Kievit një propozim për armëpushim. Orban dhe ministri i Jashtëm hungarez, Peter Szijjarto, mbërritën në Rusi të premten në mesditë, ku Orbani do të takohet me presidentin e Rusisë, Vladimir Putin. Zëdhënësi i Orban ndau një fotografi në rrjetet sociale, ku shihej Orban në tapetin e kuq në Moskë. “Misioni i paqes vazhdon. Ndalesa e dytë: Moska”, shkruante ai. Szijjarto postoi në anën tjetër një fotografi të vetën duke zbritur nga avionin i Forcës Ajrore hungareze dhe shkroi: “Mbërritëm në Moskë. Një hap tjetër për paqe!” Burime nga BE thanë ndërkohë se Orban nuk e kishte njoftuar brukselin për vizitën e tij të planifikuar në moskë. Shefi i diplomacisë së BE-së, Josep Borrell, tha në një deklaratë të premten se “kryeministri Viktor Orban nuk ka marrë mandat nga Këshilli i BE-së për të vizituar Moskën”.
Para nisjes për në Moskë, vetë Orban tha se nuk është në pozitën e duhur për të udhëhequr bisedime mes Ukrainës dhe Rusisë. Orbani është kritik i ndihmës së Perëndimit për Ukrainën në luftë kundër rusisë, dhe ka marrëdhënie më të mira me Putinin se çdo lider tjetër evropian. Ai tha se fakti se Hungaria mban kryesimin e BE-së tani, nuk i jep atij mandat të udhëheqë negociata në emër të bllokut. Unë nuk kam nevojë për një mandat, sepse unë nuk përfaqësoj asgjë”, tha Orban gjatë një interviste të premten. “Ajo që bëj unë është të shkoj nëpër vende ku ka luftë, apo kërcënim për luftë, që kërcënon Bashkimin Evropian dhe Hungarinë, apo që ka pasoja të rënda për to, dhe bëj pyetje”, shtoi ai. Një ditë para vizitës së Orbanit në Moskë, Charles Michel, president i Këshillit Evropian, shkroi në X se "udhëheqja me rotacion e presidencës së BE-së nuk ka mandat që të angazhohet me Rusinë në emër të BE-së". "Këshilli Evropian është i qartë: Rusia është agresorja, Ukraina është viktima. Nuk ka diskutime për Ukrainën, pa Ukrainën", tha Michel. Në fillim të kësaj jave, Orbani u takua me presidentin e Ukrainës, Volodymyr Zelensky, në Kiev, ku i bëri thirrje atij ta shqyrtojë një marrëveshje për armëpushim për t’i dhënë fund më shpejt luftës me Rusinë.
Pamje: AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#BE#Orban
![](https://i.ytimg.com/vi/2YgntbqRafk/maxresdefault.jpg)