پاکستان کے صوبہ سندھ کے علاقے جیکب آباد کی نایاب عمرانی نے سپریم کورٹ آف پاکستان سے ان کے بھائی، بہن اور بھابھی کے قتل کے مقدمے راولپنڈی یا اسلام آباد منتقل کرنے کی درخواست کی ہے۔

کیپٹل ٹی وی سے گفتگو کرتے ہوئے نایاب نے کہا کہ انہیں اپنے علاقے میں جان کا خطرہ ہے جس کے باعث وہ وہاں جانے سے قاصر ہیں۔

انہوں نے درخواست کی کہ مقدمات منتقل نہ ہونے کی صورت میں اعلیٰ عدلیہ ان کا بیان ویڈیو لنک کے ذریعے ریکارڈ کرانے کے احکامات جاری کرے۔

انہوں نے کہا کہ 2015 میں ان کے بھائی اور بھابھی کو قتل کیا گیا اور عدالت میں اس مقدمے کی پیروی ان کی وکیل بہن کر رہی تھی۔

’ظالموں نے میری باجی کو بھی گولی مار کر قتل کر دیا اور میں اس قتل کی عینی شاہد ہوں۔‘

جس بہن کی گود میں کھیل کر بڑی ہوئی تھی وہی بہن میری گود میں اپنی آخری سانسیں لے رہی تھی۔"نایاب عمرانی" اپنی بہن کے قتل کے واقعے کا تذکرہ کرتے ہوئے آبدیدہ ہو گئیں، نایاب عمرانی کے بھائی، بہن اور بھابی کو جائیداد کے تنازعے پر انکے سوتیلے بھائیوں نے قتل کر دیا تھا، نایاب عمرانی کو بھی جان سے مارنے دھمکیاں مل رہی ہیں، نایاب عمرانی نے سپریم کورٹ سے درخواست کر رکھی ہے کہ انکے مقدمات کو روالپنڈی یا اسلام آباد ٹرانسفر کیا جائے اگر وہ جیکب آباد میں اپنے مقدمات کی پیروی کرے گی تو انکو بھی انکی بہن کی طرح قتل کر دیا جائے گا

نایاب نے دعویٰ کیا کہ ان کے پیاروں کو ان کی آبائی جائیداد پر قبضہ کرنے کے لیے قتل کیا گیا ہے۔

Capital TV is one of the leading news channels of Pakistan bringing you the latest current affairs from Pakistan and around the world.

Subscribe to the Official Capital TV YouTube Channel: [ Ссылка ]

Like us on Facebook: [ Ссылка ]

Follow Us on Twitter: [ Ссылка ]

#CapitalTVPk #CapitalNews #Pakistan

свернуть