БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Теңдессіз жобамызға көз салыңыз: [ Ссылка ]
Бишімбаев ісі - [ Ссылка ]
Су тасқыны бойынша барлық ақпарат - [ Ссылка ]
Жұмбақ өлімдер - [ Ссылка ]
Бүгінгі шығарылымда:
16 мемлекеттің басшылары мен Үкімет мүшелерінің басын қосқан алқалы жиын Астана саммиті мәресіне жетті. Келелі кеңес кезінде Беларусь еліне Шанхай ынтымақтастық ұйымының мүшесі мәртебесі беріліп, бірқатар маңызды шешімдер қабылданып отыр. Әрі саммит алғаш рет кеңейтілген форматта ұйымдастырылды. Яғни, жиынға халықаралық ұйымдардың төрағалары мен бақылаушы мемлекеттердің көшбасшылары да қатысқан. Бастысы, Шанхай ынтымақтастық ұйымына мүше мемлекеттердің президенттері кеңесінің отырысында Астана декларациясы қабылданды. Әріптесім Нұрболат Жаңабекұлы Астана саммиті туралы айтып беруге әзір. Нұрболат, кеңестің мән-маңызы, ерекшелігі қандай?
НҰРБОЛАТ ЖАҢАБЕКҰЛЫ, тілші:
– Меніңше, ұйымға мүше мемлекеттер санының артуы да, алғаш рет кеңейтілген форматта өткізілуі де зор маңызға ие. Әрі ұйымның күн тәртібіне енгізілген мәселелердің ауқымы арта түскен. Мәселен, бір ғана Біріккен Ұлттар ұйымы бас хатшысының бой көрсетуі Астана саммитінің мәнін ұғындырып тұр. Бұл ойды осы тұстан үзе отырып, алдымен, президент Қасым-Жомарт Тоқаевтың Шанхай ынтымақтастық ұйымының кезекті кеңесіне келген мемлекеттер басшыларын қарсы алған сәтінен бастап әңгімелесем. Біз, яғни, мыңға жуық отандық және шетелдік БАҚ өкілдері жиынды келелі кеңес өткен ғимарат маңындағы «Бейбітшілік пен Келісім сарайында» бақыладық. Ең алдымен Қасым-Жомарт Тоқаевтың мүше мемлекеттер президенттерін қарсы алу рәсімі өтті. Бірінші болып, Үндістанның Сыртқы істер министрі төрге енді. Кейін Қырғызстан, Пәкістан, Иран, Өзбекстан, Тәжікстан, Белорусь елдерінің басшылары да президентпен жылы ұшырасып, аман-саулық сұрасып, жайғасып жатты. Тәуелсіздік сарайында өткен жиынға Ресей президенті мен Қытай халық республикасының төрағасы да жетті. Осылайша, қонақтардың басы қосылып, кеңес отырысы басталды.
ҚАСЫМ-ЖОМАРТ ТОҚАЕВ, Қазақстан Республикасының Президенті:
– Шанхай ынтымақтастық ұйымы мемлекеттер басшыларының кеңесіне қош келдіңіздер. Біздің ұйым халықаралық байланысты нығайтудың маңызды механизміне айналып отыр. Ал, елдеріміздің арасындағы саяси-экономикалық ынтымақтастық тұтас Еуразия құрлығының дамуы бағыттарын айқындап отыр. «Шанхай рухын» бірлесе отырып дамыту арқылы біз ұйымның жаһандағы беделі мен ықпалын арттырдық. Бірлестігіміздің бірегейлігі мен үлкен әлеуетінің арқасында оған деген қызығушылық артып келеді.
Сөз басында айтқанымыздай, Шанхай ынтымақтастық ұйымы тағы бір мемлекетпен толығып отыр. Яғни, енді Беларусь Республикасы Ұйымның толыққанды мүшесі. Сондай-ақ, өткен жылдың шілде айынан бастап Шанхай ынтымақтастық ұйымына Қазақстанның төрағалық еткенін еске салғым келеді. Қасым-Жомарт Тоқаев тізгінді ұстай сала «Әділ әлем, келісім және даму жолындағы жаһандық бірлік» бастамасын ұсынған. Енді, міне араға бір жыл салып атқарылған істің қорытындысы шығарылып отыр. Яғни, президенттің пікірінше, есепті кезеңде түрлі деңгейдегі 150-ге жуық іс-шара өткен. Оның ішінде цифрлық даму, туризм, энергетика, бизнес салаларындағы форумдар мен жастар кеңесі бар. Ал, «Астана декларациясының» қабылдануы ұйымға жаңа серпін беруге тиіс.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
