Амьдрал хайр дээр тогтдог
Үг: Ш.Дулмаа
Ая: Д.Цэрэнчимэд
Ээжийн цайлган цагаан сэтгэл
Энхрий уяхан бүүвэйн дуу
Эрдмийн харгуйд өргөсөн цацал
Эмзэгхэн хайрыг мэдэрсэн зүрх

Аавынхаа гүндүүгүй эрсхэн зан
Аливааг тунгаах эрдэм ухаан
Алсын бодолтой гүн сэтгэлээр
Агуу хайрыг мэдэрсэн зүрх

ДХ: Амьдрал хайр дээр тогтдог гээд
Алагхан хорвоо хэлээд байх юмаа

Тэнүүн байгалийн энгүй уудамдаа
Тэнгэрийн солонго харан баясаад
Барьж чадаагүй ч биширч явсан
Балчирхан насны ариухан дурсамж

ДХ: Амьдрал хайр дээр тогтдог гээд
Алагхан хорвоо хэлээд байх юмаа

Хөх тэнгэртээ нар сартай нь
Хөхөмдөг талаа навч цэцэгтэй нь
Хөвч хангайгаа ан гөрөөстэй нь
Хүсэл хайраар дээдлэх зүрх

ДХ: Амьдрал хайр дээр тогтдог гээд
Алагхон хорвоо хэлээд байх юмаа

свернуть