16.10.2019 Алматыда IV Халықаралық Түркі Дүниесі деректі фильмдер фестивалінің қазақстандық бағдарламасы басталды.
Іс-шараны Түркі Дүниесі журналистері Федерациясы мен әл-Фараби атындағы Қазақ Ұлттық университеті Т. Жүргенов атындағы Қазақ Ұлттық өнер академиясының қолдауымен ұйымдастырып отыр.
Ашылуы қазан айының басында Ыстамбұлда (Түркия) орын алған кинофестиваль биыл тоғыз қатысушы елдің жетекші серіктес-университеттерінде өтеді. Кинофестивальдің түркі елдері үшін қоғамдық және мәдени маңызы аса зор. Оған Түркия, Қазақстан, Түркіменстан, Босния және Герцеговина, Қырғызстан, Әзірбайжан, Өзбекстан, Венгрия, Македония, Кипр елдерінің үздік жұмыстары қатысады. Фильмдер әлеуметтік, мәдени, рухани және қоғамдық маңызды тақырыптарды, жастарды тәрбиесін қамтиды.
Шараға Түркі Дүниесі журналистер федерациясының президенті Мендерес Демир және басқа да шетелдік құрметті қонақтар, сондай-ақ киноқұжатшылар мен фильмдердің авторлары, қоғам мен масс-медиа өкілдері, ЖОО студенттері қатысады.
Кинофестивальдің ашылуында кинематографтың аңызына айналған, түркі әлемінің танымал актері мен режиссері Асанәлі Әшімовке арнайы марапат тапсыру рәсімі өтеді.
Баршаңызды кинофестивальге қатысуға шақырамыз және ақпараттық қолдау көрсетулеріңізді сұраймыз.
Фестивальдің салтанатты ашылу рәсімі: 17 қазан, әл-Фараби атындағы ҚазҰУ
● Сағат 11.00 – кинофестивальдің ашылуы (Ғылыми кітапхана, 4 қабат);
● 14.00-16.30 – «Керемет» студенттерге қызмет көрсету орталығының кинотеатрында деректі фильмдер көрсетілімі өтеді.
Әл-Фараби атындағы ҚазҰУ Баспасөз қызметі
8 (727) 377 31 48
#ТүркіДүниесіДеректіФильмдерФестивалі #AlFarabiUniversity #TRCKazNU #TDBFF
