Policia ka shpallur në kërkim autorin e dyshuar të vrasjes që ndodhi mbrëmjen e të enjtes në Korçë. Ai është Olger Mustafaj, banor i lagjes ku ndodhi ngjarja. Sipas burimeve nga grupi hetimor, autori është me precedentë kriminalë.

Vrasja e 35-vjeçarit Altin Balliu ka ndodhur pas konfliktit, që autori kishte pasur në një lokal me viktimën dhe shokët e tij.  Sherri ka nisur për bllokimin e rrugës me makinë nga shokët e 35-vjeçarit, që mbeti i vrarë.

Pas konfliktit në fjalë, autori ka dalë nga lokali dhe është kthyer pas disa minutash me një pistoletë në dorë. I dyshuari Mustafaj e ka gjetur të vetëm viktimën dhe e ka qëlluar disa herë kohën kur ai po shkonte drejt mjetit ku ndodheshin shokët.

Dy prej plumbave e kanë goditur Balliun në kokë dhe trup, duke i shkaktuar vdekjen e menjëhershme. Altin Balliu jetonte në fshatin Slabinjë dhe merrej me hapjen e puseve, sëbashku me vëllezërit./abcnews.al

свернуть