1. Berâmpû ringum takâ kalchâwiin.
Pathien dit dân angâ kohran enkawltû.
Hun tâwpa an ringumna râ ngêi.
Ropuina lallukhum chang an tih.
Lal tâ dingâ ringumâ um zingin.
Lal rawng bâwl hi bânsan loin.
Tûtâ Lal hmingâ tuorna hâi hi.
Nakie lâwmna sukfamkimtû la nî’ng an tih.
2. Pathien dit zâwng chau ngâituoâ hun hmang.
Thlêmna tinrêng kâra khawm det takâ ngîr.
Mânî invawng thienghlim tlat mî chun.
Se thei lo lallukhum chang an tih.
3. Thlarâu bohmang mêk hâi chu ṭhuoi khâwmâ.
Hre nâw hâi hriet dingâ chanchin ṭha khêkpui.
Nakie ropui takin Lal hmaa.
Lâwmna lallukhum chu chang an tih.
4. Îsû hung nâwk hmâ khatâ ringumâ.
Rinum tuor fan fanâ Lal sin thâw.
Thei tâwp suo zingâ châwl zâi rêl lo.
Felna lallukhum chu chang an tih.
5. Lalpâ Pathien hming leiâ thi ngamtû.
Pathien ram tâ dingâ huoi takâ kal pên.
Harsatnâ tuok sien khawm zâm ngâi lo.
Hringna lallukhum chu chang an tih.
![](https://i.ytimg.com/vi/2vmwEsy9-H4/maxresdefault.jpg)