Türkiyə Prezidenti Rəcəb Tayyib Ərdoğan Türkiyə-Niderland oyununu izləmək üçün Almaniyaya səfər edəcək.
Bu barədə Türkiyə KİV məlumat yayıb.
UEFA-nın boz qurd işarəsinə görə türk futbolçu Merih Dəmiralla bağlı araşdırma başlatması və Almaniya Daxili İşlər Nazirinin reaksiyasından sonra Almaniya səfiri Yurgen Şuls Türkiyə Xarici İşlər Nazirliyinə çağırılıb.
Prezident Ərdoğan Avropa çempionatında futbolçuları tək buraxmamaq üçün şənbə günü, iyulun 6-da Azərbaycanın Şuşa şəhərində keçiriləcək Türk Dövlətləri Təşkilatının Zirvə Toplantısında iştirak proqramını ləğv edərək, Berlində keçiriləcək Hollandiya ilə matça qatılmaq qərarına gəlib.
Bildirilib ki, o, sözügedən tarixdə Şuşada keçiriləcək Türk Dövlətləri Təşkilatının Zirvə toplantısında iştirak etməyəcək.
Qeyd edək ki, Almaniyada keçirilən futbol üzrə Avropa Çempionatının 1/4 final mərhələsində Türkiyə millisi Niderlandla iyulun 6-da qarışılaşacaq.
