'BAWAL TALAGANG MAG-PARK SA HARAP NG AKING BAHAY PERO MAY PUMARADA, ANO ANG MAAARI KONG GAWIN?'
Bilang may-ari ng bahay, maaari niyong hilingin sa traffic enforcer na alisin ang sasakyan na ilegal na nakaparada. Kailangan ding isyuhan ng traffic enforcer ng ticket ang driver ng nasabing sasakyan para sa illegal parking.
Kung sa Metro Manila ito nangyari, sa ilalim ng mga panuntunan ng Metro Manila Development Authority, ang sasakyan na ilegal na nakaparada at walang tao ay hinahatak sa isang impounding area at binibigyan ng traffic violation receipt (TVR).
Bukod pa rito, ang driver na ilegal na nagparada sa kanyang sasakyan sa anumang pampublikong kalsada sa Metro Manila, ay kailangang magbayad ng multa at pati na ang towing fee.
May iba’t ibang ordinansa ang bawal lokal na pamahalaan pagdating sa parusa at multa ukol sa illegal parking. Mas mainam na alamin muna ang mga panuntunan sa inyong mga siyudad o munisipalidad.
Maaari ring sampahan ng homeowner ng kasong kriminal ang driver ng kotse na ilegal na nakaparada para sa krimen na “unjust vexation” sa ilalim ng Revised Penal Code.
