Qəzəl: Əliağa Vahid
Musiqi: Anna RF - why
Səs: Bayram Şahvələdov
İnstagram: [ Ссылка ]
Dedim : - Ey qönçə dəhan, könlümü qan eyləmisən ,
Dedi : - Bica yerə eşqimdə fəqan eyləmisən .
Dedim : - Insaf elə, incitmə məni, aşiqinəm ,
Dedi : - Get, sirrimi dünyayə əyan eyləmisən .
Dedim : - Ağlatma məni sərv boyun şövqündə ,
Dedi : - Göz yaşini bihudə rəvan eyləmisən .
Dedim : - Axir, gözəlim, bagü baharim sənsən ,
Dedi : - Sən ömrünü həsrətlə xəzan eyləmisən
.
Dedim : - Az çəkməmişəm gözlərinin həsrətini ,
Dedi : - Öz könlünü yersiz nigəran eyləmisən .
Dedim : - Eşqində əsirəm, mənə bəs xeyri nədir ?
Dedi : - Evvəldə bu sevdadə ziyan eyləmisən .
Dedim : - Eşq atəşi neylər mənə, qorxan deyiləm .
Dedi : - Biçarə, yanarsan, nə güman eyləmisən ?
Dedim : - Ey gül, mən əzəldən də gözəl aşiqiyəm ,
Dedi : - Sən ruhini eşq iylə cəvan eyləmisən .
Dedim : - Hər gün səri-kuyində dolanmaqdir işim ,
Dedi : - Vahid, nə gözəl yerdə məkan eyləmisən.
