Сыбайлас жемқорлыққа қарсы іс-қимыл Агенттігінің Шымкент қаласы бойынша департаментінің ағымдағы жылдың 8 айдағы қызметінің нәтижелері бойынша брифинг өткізді. Атқарылған жұмыстармен таныстырған Департамент басшысының бірінші орынбасары Талғар Серікбаев жыл басынан Департаментпен 63 қылмыс тіркелгенін, оның ішінде 45 сыбайлас жемқорлық сипатындағы екенін атап өтті. Сөзіне сенсек, құқық қорғаушылар көптеп заң бұзып пара алады. Артынан құрылыс, денсаулық сақтау, салық және жер қатынастары департаментінің мамандары келеді. Тіркелген қылмыстық істер бойынша қабылданған шаралар нәтижесінде мемлекет кірісіне 1 млрд. 607 млн. теңге өтелген.
