#fjalaweb #fjala.al #editorial
Ata na ndanë më shumë se një shekull më parë. Kufirin tjerët e vendosën, Fuqi të Mëdha i quajtëm, që sot i kemi miq dhe aq shumë i “duam”, sa po lutemi që të na hapin traun e BE-së. Historia e dënoi këtë vend, sepse ashtu e shkruajtën shtypësit dhe ne po dënojmë veten edhe kur koha kthehet si një herë e dikur para vitin 1913. Krahina e madhe e Kosovës u çlirua, po ata që na ndanë e risollën ku ishte, me një kufi në mes i cili fizikisht pengon, por shpirtërisht jo. Kështu duhet të ishte, por kështu nuk është. Kur vetë bota bëhet edhe më e vogël, duke prerë çdo tel kloni, shembur piramida kufiri e rrëzuar çdo tra edhe mes shteteve që kanë gjuhë e zakone të ndryshme, ne këtu në Shqipëri dhe ne në Kosovë, shpikëm një term të ndyrë mes vetes. Ne shqiptarët dhe ata kosovarët… Ne kosovarët dhe ata shqiptarët… Patriotë me llafe bëhemi shumë. Flamurin e kombit palë në shtëpi, a ngjitur në ndonjë shtizës në ballkon e mbajmë, por kur vjen çështja në kuvendim e krahinizëm jemi gati për ndarjen: Ne dhe ata.
Kush ne dhe cilët ata?
Mos harroni të bëni subscribe kanalin tonë për më shumë video të ngjashme
