Bakıda «Sahibkarlıq və bank münasibətləri» mövzusunda konfrans
keçirilib. Tədbirdə sahibkarlığın inkişafının hüquqi və maliyyə
aspektləri müzakirə edilib.
Konfrans «Kiçik və orta sahibkarlıq üçün hüquqi məsləhət mərkəzləri»
layihəsi çərçivəsindədir. Layihəni ATƏT-in Bakı Ofisinin dəstəyi ilə
İnsan Hüquqları üzrə Maarifləndirmə İctimai Birliyi həyata keçirir.
Birliyin sədri İradə Cavadova Azərbaycanda bu sahədəki durum, yaranan
problemlərin hüquqi aspektləri barədə danışıb. İradə Cavadova Bakı və
Mingəçevir şəhərlərində orta və kiçik sahibkarlıq fəaliyyəti ilə
məşğul olan sahibkarlar üçün pulsuz hüquqi məsləhət mərkəzlərinin
fəaliyyəti və görülmüş işlər haqda məlumat verib.
ATƏT-in Bakı ofisinin rəhbərinin müavini xanım Monika Martinez ofisin
2007-ci ildən indiyə qədər sahibkarlar üçün həyata keçirdiyi
proqramlar çərçivəsində görülən işlərdən söz açıb.
Kreditə ehtiyacı olan sahibkarların probelmləri barədə Milli Məclisin
üzvü Əli Məsimli danışıb. O bildirib ki, Azərbaycanda biznes kreditlər
ildə 30%-ə yaxın dərəcə ilə verilir. Bu halda biznesin normal
qurulmasından danışmaq olmaz. Çünki kreditin qaytarılması riski artır.
AMB hətta mərkəzləşdirilmiş kredit resurslarına görə "şapka" alır.
Məsimli problemlərin çözümü məqsədilə ARDNF-dən sahibkarlığın inkişafı
üçün 2 mlrd vəsait ayrılmasını zəruri sayır. Onun fikrincə, orta
perspektivdə sahibkarlığa bank krediti üzrə faiz dərəcələrini 10-20%-ə
endirmək mümkündür.
Azərbaycanda kredit alanların hüquqi müdafiəsinin təkmilləşdirilməsi
üzrə tədqiqatın nəticələri barədə Almaniya Beynəlxalq Əməkdaşlıq
Cəmiyyətinin hüquq və məhkəmə islahatları layihəsinin rəhbəri Tomas
Melzer danışıb. Onun sözlərinə görə, xüsusi qanun layihəsi hazırlanıb
və o, sentyabrda təqdim ediləcək. Qanun layihəsi sahibkarlıq
subyektləri ilə kredit müqaviləsi üzrə minimal tələbi nəzərdə tutur.
İqtisadi Təşəbbüslərə Yardım İctimai Birliyinin eksperti Samir Əliyev
200 biznes subyekti arasında aparıln sorğunun nəticələrinə əsaslanaraq
sahibkarların kredit almaq üçün müraciət etdikləri mərhələdə
üzləşdiyi çətinliklər, kreditlərin faiz dərəcələri, sahibkarların
hüquqlarının pozulması halları barədə məlumat verib.
Bakıda «Sahibkarlıq və bank münasibətləri» mövzusunda konfrans
keçirilib. Tədbirdə sahibkarlığın inkişafının hüquqi və maliyyə
aspektləri müzakirə edilib.
Konfrans «Kiçik və orta sahibkarlıq üçün hüquqi məsləhət mərkəzləri»
layihəsi çərçivəsindədir. Layihəni ATƏT-in Bakı Ofisinin dəstəyi ilə
İnsan Hüquqları üzrə Maarifləndirmə İctimai Birliyi həyata keçirir.
Birliyin sədri İradə Cavadova Azərbaycanda bu sahədəki durum, yaranan
problemlərin hüquqi aspektləri barədə danışıb. İradə Cavadova Bakı və
Mingəçevir şəhərlərində orta və kiçik sahibkarlıq fəaliyyəti ilə
məşğul olan sahibkarlar üçün pulsuz hüquqi məsləhət mərkəzlərinin
fəaliyyəti və görülmüş işlər haqda məlumat verib.
ATƏT-in Bakı ofisinin rəhbərinin müavini xanım Monika Martinez ofisin
2007-ci ildən indiyə qədər sahibkarlar üçün həyata keçirdiyi
proqramlar çərçivəsində görülən işlərdən söz açıb.
Kreditə ehtiyacı olan sahibkarların probelmləri barədə Milli Məclisin
üzvü Əli Məsimli danışıb. O bildirib ki, Azərbaycanda biznes kreditlər
ildə 30%-ə yaxın dərəcə ilə verilir. Bu halda biznesin normal
qurulmasından danışmaq olmaz. Çünki kreditin qaytarılması riski artır.
AMB hətta mərkəzləşdirilmiş kredit resurslarına görə "şapka" alır.
Məsimli problemlərin çözümü məqsədilə ARDNF-dən sahibkarlığın inkişafı
üçün 2 mlrd vəsait ayrılmasını zəruri sayır. Onun fikrincə, orta
perspektivdə sahibkarlığa bank krediti üzrə faiz dərəcələrini 10-20%-ə
endirmək mümkündür.
Azərbaycanda kredit alanların hüquqi müdafiəsinin təkmilləşdirilməsi
üzrə tədqiqatın nəticələri barədə Almaniya Beynəlxalq Əməkdaşlıq
Cəmiyyətinin hüquq və məhkəmə islahatları layihəsinin rəhbəri Tomas
Melzer danışıb. Onun sözlərinə görə, xüsusi qanun layihəsi hazırlanıb
və o, sentyabrda təqdim ediləcək. Qanun layihəsi sahibkarlıq
subyektləri ilə kredit müqaviləsi üzrə minimal tələbi nəzərdə tutur.
İqtisadi Təşəbbüslərə Yardım İctimai Birliyinin eksperti Samir Əliyev
200 biznes subyekti arasında aparıln sorğunun nəticələrinə əsaslanaraq
sahibkarların kredit almaq üçün müraciət etdikləri mərhələdə
üzləşdiyi çətinliklər, kreditlərin faiz dərəcələri, sahibkarların
hüquqlarının pozulması halları barədə məlumat verib.
![](https://s2.save4k.ru/pic/3YoQNUAonkc/maxresdefault.jpg)