Елорда тұрғыны сағат 12.52-де 102 каналына Б.Момышұлы даңғылындағы тұрғын үй кіреберісінің жанынан Gelandewagen G500 автокөлігін айдап әкеткені туралы хабарлаған. Шағым түсірген азаматша күндізгі уақытта көлікті оталдыру үшін сыртқа шығып, есігін құлыптамай 20 минутқа қалдырып, орнына қайта келген кезде көліктің жоқтығын көріп, полицияға жүгінген.
Алматы ауданының полиция бөлімі ҚР ҚК 200-бабына сәйкес (Айдап әкету) бойынша сотқа дейінгі тергеуді бастады. Жеке құрам аталған қылмыскерді ұстауға бағытталған.
Бейнебақылау камераларын зерттеу барысында полицейлер белгісіз ер адам үйдің ауласындағы орындықта отырғанын және көлікті оталған күйде қалдырып, үйіне кіріп бара жатқан әйелді бақылағанын анықтады.
Күдікті қылмыстық ниетпен рөлге отырып, басқа Land Cruiser 200 автокөлікпен соқтығысқан, ол әрі қарай көп ойланбастан Балқантау көшесімен жүріп кете берген. Сондай-ақ, Lexus автокөлігінің қатысуымен болған келесі жол-көлік оқиғасы ПД Жедел басқару орталығының инспекторларымен Тәуелсіздік даңғылы мен Байтұрсынов көшесінің қиылысында тіркелді.
Соқтығыс орын алған жерге дереу автопатруль жіберілді. Бұл жолы айдап әкетуші қашып құтыла алмады. Ол ұсталып, тексеруден кейін уақытша ұстау изоляторына қамалды. Нарколог-дәрігердің қорытындысына сәйкес, 34 жастағы ер адам орташа ауырлықтағы мас күйінде болған.
________________________________________________
Сайт: [ Ссылка ]
Telegram-канал: [ Ссылка ]
