Співать Петро Куцкір, баян- Игорь Гайда. Слова Володимира Рошко.
РУСНАЦЬКИЙ АНТИВІРУС
Пудкарпа́тя ся збуди́ло, переполоши́ло,
По́зад спа́нку дốвгого, гі в гузи́цю шы́ло.
Гốсті чудні́ ’д нам прийшли́, мы їх не чека́ли,
Ка́жуть, ві́русы з кôру́нов у Край прискака́ли.
Біда́ зна́є, што за на́пасть? Гốстю тых не ви́дко.
Мы гляда́ли в ліса́х, го́рах, збырыка́ли вшы́тко.
Дốкі фрац тот нас не ку́сать, ні́што ся твори́ти,
Ану, най лем ся ука́же, будеме́ ’го би́ти.
У́ряд ро́зказ написа́в – че́лядь в каранти́ну,
А русна́ки ка́віль п’ють, гуля́вуть з діти́нов.
Позапе́рали бôвты́ і кôрчмы́ замкне́ні,
До́ма му́симе сіді́ти, та гі поробле́ні.
У́ряд ка́же – з хі́жі вон а́ни крок ступи́ти,
А вакці́ну не дає́. Што тепи́рь роби́ти?
Лем русна́ки не дурні́, найшли́ ôрвоша́ґи,
Як слив’я́нку ві́рус вчу́є, збе́ре вун чома́ґи.
Приспів1:
На рот фа́члик заяза́ли,
Рукаві́ці зді́ли.
Мы на ві́рус насвиста́ли,
В каранти́ну сі́ли.
Приспів2:
Фа́члик я на пы́сок зді́в,
Рукаві́ці ма́ву.
Ка́жуть, ош я удурі́в,
Ві́русы іма́ву.
