Орал қаласының мәдениет және тілдерді дамыту бөлімінің ұйымдастыруымен ағымдағы жылдың сәуір-мамыр айларында «Қазақ мектебіне қадам басайық» акциясы ұйымдастырылып, қаламыздағы орыс тілді және аралас мектептердегі балалары орыс сыныбында оқитын қазақ ата-аналармен ақпараттық түсіндіру жұмыстары жүргізілген болатын.
Акцияның өтуіне БҚО тілдерді дамыту басқармасының басшысы Ерлан Галиев, Филология ғылымдарының кандидаты, доцент Ұлдай Ержанова,«Қазақ тілі қоғамы» ҚБ БҚО филиалының төрағасы Болат Өтеғалиұлы, «Аманат» партиясы БҚО филиалының атқарушы хатшысының орынбасары Кенесары Нұршинов, «БҚО Азаматтық Альянс» ЗТБ атқарушы директоры Жанат Танабаева, Орал қаласы мәслихатының депутаттары Светлана Меңдіғалиқызы, Айгүл Түркина, Азима Ғұбашева, Филология ғылымдарының кандидаты Алтынбек Абдулманов, Орал қаласының мәдениет және тілдерді дамыту бөлімінің басшысы Серік Қайрлиев, «Тіл-мұра» қоғамдық қозғалысының мүшесі, тіл жанашыры Ирина Суетина, тіл жанашыры Ақмарал Қанатқызы, Орал қаласы білім беру бөлімінің бас маманы Бақтыгүл Бақтыгереева, әдіскері Жанар Адиева белсене ат салысып, шараға өз үлестерін қосты.

свернуть