Հայ ժողովրդական «Էրևան բաղ եմ արել» երգն է՝ «Ակունք» անսամբլի կատարմամբ։ Մենակատար՝ Հարություն Փանոսյան։ Սիրային բնույթի պարերգ է, որով սիրահար տղան գովերգում է սիրած աղջկան։ Տղան նրան անվանում է «զար», «զարո ջան»: Սա նույն «զառ»-ն է, որ նշանակում է ոսկեթել, իսկ այստեղ նկատի ունի ոսկեծամ: Մեկ այլ իմաստով «զառ»-ը նշանակում է դիպակ, որը մետաքսե կտոր է՝ ոսկեթել կարերով: Այսինքն աղջիկն այնքան նուրբ կազմվածք ու մաշկ ունի, որ տղային թվում է, թե ստեղծված է հենց այդ նուրբ կտորից, որի ոսկեթել կարերն դարձել են աղջկա վարսերը:
Եվ այսպես, սիրուց դաղված սրտով տղան բողոքում է աղջկան, թե ինչո՞ւ մտավ իր սիրտը, որտեղից դուրս գալու դուռ չի գտնվել, և մինչև հիմա նա տառապում է սիրուց՝ աղջկա չքնաղ կերպարանքը սրտում։ Իսկ իր տառապանքն առավել մեծանում է այն պատճառով, որ հնար չունի իր սիրելիին տեսնելու, և քարին թառած թռչնին խնդրում է գնալ, տեսնել աղջկան, գոնե նրա միջոցով մի լուր առներ նրանից։
Իսկ երգի ամեն հատվածին հաջորդող կրկներգում տղան պատմում է, որ աղջկա երթ ու գալից անդադար վառվում է իր սիրտը, ուշք ու միտքը մշտապես նրա հետ է։ Իր առջևով այդպես անցնել-դառնալու ընթացքում նա աղջկա զգեստի արանքից հավանաբար նկատել է կրծքի խալը, և հիմա երազում է նրան կալը տանել և մի խաղաղ անկյունում զգեստներից ազատելով աղջկա կուրծքը, հիանալ այն զարդարող խալի տեսքով։
Armenian folk song "Erevan bagh em arel" performs "Akounq" ensemble.
Երգի խոսքերը՝
Էրևան բաղ եմ արել,
Զար, զարո ջան,
Սիրուն յարո ջան, օյ օյ օյ։
Ջիգյարս դաղ եմ արել,
Զար, զարո ջան,
Սիրուն յարո ջան, օյ օյ օյ։
Սիրուն աղջիկ,
Քեզ տանեմ կալը,
Բացեմ քո դոշերը,
Տեսնեմ քո խալը,
Ընձի վառեց թողեց,
Քո երթ ու գալը,
Ջա՜ն, մարալ աղջիկ։
Նինեյ-նինեյ-նինեյ-նինեյ-նինեյ-նինեյ ջան,
Ջա՜ն, մարալ աղջիկ։
Նինեյ-նինեյ-նինեյ-նինեյ-նինեյ-նինեյ ջան,
Ջա՜ն, մարալ աղջիկ։
Հորի՞ դու իմ սիրտ մտար,
Զար, զարո ջան,
Սիրուն յարո ջան, օյ օյ օյ։
Ելնելուց դուռ չգտար,
Զար, զարո ջան,
Սիրուն յարո ջան, օյ օյ օյ։
Սիրուն աղջիկ,
Քեզ տանեմ կալը,
Բացեմ քո դոշերը,
Տեսնեմ քո խալը,
Ընձի վառեց թողեց,
Քո երթ ու գալը,
Ջա՜ն, մարալ աղջիկ։
Էն ինչ ղուշ է վըր քըրուն
Զար, զարո ջան,
Սիրուն յարո ջան, օյ օյ օյ։
Թըռներ տեսներ իմ յարուն,
Զար, զարո ջան,
Սիրուն յարո ջան, օյ օյ օյ։
Սիրուն աղջիկ,
Քեզ տանեմ կալը,
Բացեմ քո դոշերը,
Տեսնեմ քո խալը,
Ընձի վառեց թողեց,
Քո երթ ու գալը,
Ջա՜ն, մարալ աղջիկ։
![](https://i.ytimg.com/vi/3h_lfFqF4fE/maxresdefault.jpg)