Созмони Дидбони Ҳуқуқи Башар мегӯяд, маҳдудиятҳои вобаста ба COVID-19 дар Тоҷикистон набояд ҳуқуқи мардумро нақз кунад. Як масъули ин созмон гуфт, Тоҷикистон паймони байналмилалӣ оид ба ҳуқуқи иқтисодӣ, иҷтимоӣ ва фарҳангиро имзо кардааст. Тибқи он мақомоти тоҷик бояд чораҳои муассири "пешгирӣ, муолиҷа ва мубориза бо бемориҳои сироятиро" татбиқ кунанд. Владислав Лобанов муҳаққиқи Созмони Дидбони Ҳуқуқи Башар дар сӯҳбат бо Хиромон Бақозода гуфт, ҳама гуна маҳдудиятҳои ҷоришаванда дар робита бо COVID-19 дар Тоҷикистон бояд " ба ҳимояи сиҳатии аҳолӣ равона шавад".
![](https://i.ytimg.com/vi/3k0S7xqsM-Q/maxresdefault.jpg)