Njëra prej telefonueseve në “Shije Shtëpie”në Tv Klan u shpreh se shoqëria sot e ka humbur turpin dhe respektin. Fjala “respekt” dhe nëse ekziston një lidhje mes saj e turpit, nisi një diskutim në studio.

Arsen Rusta, Dasara Karaiskaj dhe Arba Gramo janë të mendimit se janë koncepte që nuk lidhen me njëra-tjetrën. Moderatorja Katerina Trungu mendon se mungesa e respektit dhe e edukatës përbëjnë turp.

Arsen Rusta: Respekti s’ka lidhje fare me turpin.

Katerina Trungu: Po si jo?

Arsen Rusta: Është me një kod sjelljeje.

Arba Gramo: Unë do të të respektoj sepse më vjen turp nëse nuk të respektoj? Unë të respektoj sepse duhet të të respektoj, sepse është vlerë të respektosh dikë.

Katerina Trungu: Të respektosh një të moshuar.

Arba Gramo: Është vlerë të respektosh një të moshuar.

Arsen Rusta: Kur minimalja, kur ti nuk i liron vendin në autobus.

Arba Gramo: Është vlerë, ti duhet ta ndiesh kur duhet ta lirosh, ti duhet ta ndihmosh, duhet të të vijë.

Katerina Trungu: A nuk është e turpshme që mos ta bësh këtë gjë?

Dasara Karaiskaj: Po nuk është, sigurisht që nuk është.

Arsen Rusta: Nuk është, thjesht ke shkelur një kod etike.

Dasara Karaiskaj: Si qenka turp, nuk ka lidhje me turpin, ka lidhje me edukatën tani, mos i ngatërroni se këto janë elementare.

Katerina Trungu: Po pra, ka lidhje me edukatën, me mënyrën se si ti shfaqesh. Nuk është e turpshme, e paedukatë?

Dasara Karaiskaj: Edukata dhe turpi janë dy gjëra që nuk kanë lidhje fare me njëra-tjetrën. Të jesh i paedukatë do të thotë të jesh i paedukatë, të jesh i turpshëm do të thotë të jesh i turpshëm.

Katerina Trungu: Të jesh i paedukatë ti përfundon i turpshëm për shoqërinë.

Arba Gramo: Për shoqërinë.

Dasara Karaiskaj: Të jesh i paedukatë të bën të paturpshëm po thua?

Katerina Trungu: Po.

Dasara Karaiskaj: Kur je i paedukatë s’ke turp domethënë dhe tregohesh i paedukatë?

Katerina Trungu: Sepse veprimet e tua që klasifikohen si i paedukatë janë po ashtu të njëjtat veprime që mund të thonë si s’ka turp që e bën këtë gjë? Pra rasti që ju morët në autobus, nuk e respekton, si s’ka turp, pra është përshtypja.

Arba Gramo: Duhet të jetë ndjenja e turpit që ta frenojë të mos bërit e kësaj gjësë?

Dasara Karaiskaj: Prandaj po them, e shpjegoi në fillim, na e the të gjithëve çfarë është. Pra turpi është një ndjesi që na vjen në raport me tjetrin kur kemi ndrojtje, kemi turp ta bëjmë një gjë. Më kupton?

Katerina Trungu: Po, përpara një gjëje të pamoralshme ose të gabueshme, përpara një gabimi. Është pikërisht kjo ndjenja që na lind përpara një gabimi, turpi. Kështu e shpjegon.

Dasara Karaiskaj: Përpara se ta bëjmë gabimin kemi turp që mos ta bëjmë gabimin, këtë po thua?

Arsen Rusta: Të frenon.

Arba Gramo: Pse mos të frenohet fakti që … ku di unë.

Katerina Trungu: Që është e gabuar pra.

Arba Gramo: Po që është e gabuar është një gjë, është e gabuar. Është për ty e gabuar, jo e gabuar se do të të shohin të tjerët dhe do të thonë bëri gabim.

#ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj. #arsenrusta #arbagramo #dasarakaraiskaj

SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ] #Receta#ZonjaVjollca#KaterinaTrungu

свернуть