Studentët nuk janë kundër bojkotit të pedagogëve, por nënvizojnë se kërkesa e tyre për rritje të pagave rëndon në xhepat e tyre.

Në një deklaratë për mediat, një nga përfaqësueset e Lëvizjes Studentore u shpreh se qeveria duhet të mbështesë ekonomikisht studentët.

“Sot studenti shqiptar ndeshet me tarifa të larta, abuzime burokratike dhe mungesë ardhmërie profesionale. Sot studenti ka më pak kohë dhe mundësi për të studiuar. Ne i kemi kërkuar mbështetje qeverisë, mbështetje ekonomike prej 100 mijë lekësh, si përgjigje ndaj krizës ekonomike. Në vend të seriozitetit morëm si përgjigje pretendimin se qeveria paska ulur tarifat në vitin 2018. Indiferenca qeveritare ndaj fatit të studentëve po shtyn mijëra të rinj drejt emigracionit. Qeveria do të rrisë tarifat e studentëve për të rritur pagat e pedagogëve”, u shpreh ajo.

Sot, në ditën e parë të vitit akademik, pedagogët janë ngritur sot në protestë, ku kërkojnë rritje të pagave.

Më 5 tetor, ministrja e Arsimit, Evis Kushi tha se qeveria ka vendosur që pagat e pedagogëve të rriten me 15 për qind, nga të cilat 7 për qind do të mbulohen nga buxheti i shtetit.

Ndiqni faqen tonë zyrtare të internetit [ Ссылка ] për t’u informuar mbi lajmet kryesore nga vendi, rajoni dhe bota.

Abonohuni në kanalin tonë në YouTube: [ Ссылка ]
Na ndiqni në Instagram: [ Ссылка ]...
Facebook: [ Ссылка ]
Twitter: [ Ссылка ] #now#EsmeraldaMulaj#euronewsalbania

свернуть