“Dita e fundit e muajit qershor shënoi hapjen e aksit Thumanë-Kashar, autostrada e parë në Shqipëri ku mund të qarkullohet me një shpejtësi deri në 130 kilometra në orë”, raporton gazetarja Dorina Halili.
Ky moment u dëshmua nga kryeministri Edi Rama dhe zv/kryeministrja Belinda Balluku, e cila ndër të tjera dha detaje financiare për këtë investim.
“Investimi këtu është 271 milion euro të gjitha të disponueshme nga koncensionari privat. Në ndërkohë, pagesa e kilometrit është vendosur nga studimi WBIF dhe kështu do të jetë në të gjithë segmentin e Korridorit Blu.”
Për kryeministrin Edi Rama, ky aks reflekton Shqipërinë 2030.
“Kjo rrugë është një vend ku të gjithë ata që duan ta prekin me syrin e imagjinatës çfarë është Shqipëria 2030 mund ta”.
Kreu i qeverisë foli edhe për një tjetër investim të rëndësishëm, autostradën Tiranë-Durrës, për të cilën shumë shpejt do të nisë puna për zgjerim.
“Shumë shpejt do të fillojë edhe ai projekt dhe autostrada Tiranë-Durrës do të zgjerohet ndërkohë që rruga e vjetër e Ndroqit do të mbetet ajo që është, por do të jetë një rrugë turistike, panoramike”.
Dhe nëse nuk do të ketë probleme me gjeologjinë, tuneli i Murrizit në rrugën e Arbrit do të hapet para fundvitit dhe do të jetë pa pagesë.
“Nëse edhe fuqia e zotërve të Dibrës do të na ndihmojë, ne do kemi tunelin e Murrizit përpara përfundimit të vitit. Rruga e Arbrit nuk do të jetë me pagesë”.
Vënia e në funksion e aksit Thumanë Kashar pritet të lehtësojë ndjeshëm trafikun e automjeteve që krijohet shpesh në akset ekzistuese si ai Fushë Krujë-Rinas dhe Rinas-Qafë Kashar.
“Aksi prej 21 km përfundon më nyjen e Kasharit, këtu ku lidhet me rrugën Tiranë-Durrës”, shton gazetarja Halili.
Rruga e re ka një gjatësi 21 kilometra dhe është ndërtuar përmes një koncensioni me afat 35 vite.
Klan News
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
