Qëllon me armë zjarri në ajër
Arrestohet në flagrancë 19 vjeçari
Sekuestrohet arma e zjarrit, të cilën e dispononte pa leje.
Më datë 22.01.2016, rreth orës 15:00, në numrin e emergjencave 112, ka ardhur informacion se në Rrugën "Coca Cola", zona e Nishtullës 3, ka të shtëna me armë zjarri.
U bë kontrolli i territorit ku dhe u gjetën e sekuestruan nē cilësinë e provës materiale, dy gëzhoja model 56.
Shërbimet e Komisariatit të Policisë Nr 3, kanë identifikuar dhe më pas arrestuar në flagrancë shtetasin:
- Stivi Haka, 19 vjeç, banes në Tiranë
I cili dyshohet se ka bërë qitje në ajër me një armë zjarri Automatike.
Nga kontrolli i ushtruar në banesën e këtij shtetasi është gjetur dhe sekuestruar në cilësinë e provës materiale:
• Një armë zjarri automatike model 56 me një krehër dhe 20 fishekë.
Materialet proceduriale do ti kalojnë Prokurorisë pranë Gjykatës së Shkallës së Parë Tiranë, për veprat penale "Prishje rendit dhe qetësis publike" dhe "Prodhimi dhe mbajtia pa leje e armëve luftarake dhe municionit", parashikuar nga Nenet 274 dhe 278/3 të Kodit Penal.
