Bakının dərdi var. Bakının o qədər dərdi var ki... yol, tıxac, məmurlar, siyahını uzatmaq da olar... Və bir dərd də bakıkart terminallarıdır. Bu terminallar quraşdırıldığı gündən insanların əsəbləri ilə oynayırlar. Daha doğrusu, bu terminallara məsul olan qurumlar və şəxslər. Məlum məsələdir ki, Bakıkartın istifadəyə verdiyi kartla metro və bir çox avtobuslarda istifadə olunur. İstifadə üçün də kifayət sayda terminallara ehtiyac var. Bu terminallarla Bakı şəhərindəki dayanacaqlar kifayətlə təmin olunubmu? Tam əminliklə deyə bilərik ki, xeyr! Bu bir yana, bəzi terminallardan da gün ərzində bəzən isə, günlərlə, həftələrlə nasazlıq səbəbindən istifadə etmək olmur. Yəni ki, quraşdırılmış terminalların texniki nəzarət mexanizmi bərbaddır. Şikayətlərin daha çox olduğu ərazilər: Xırdalan dairəsində 1 terminal var. həftənin sadəcə bir neçə günü işləyir. Və bu ərazidə aktiv istafədə olunan 199, 135 nömrəli marşrutlar da kartladır.
Sosial şəbəkədə Milli Bankın qarşısındakı, Mir Cəlal küçəsindəki MilliÖnlərin 80%-nin işləmədiyi qeyd olunur. Əlavə olaraq, Kukla teatrinin yanındakı hər 2 tərəfdəki terminallar, 4-cü mkr göz institunun yanındakı hər 2 tərəfdəki terminallar, işləmirlər.
Bundan başqa da, vətəndaşlar metro stansiyaları yaxınlıqlarındakı dayanacaqlarda terminalların olmamasında da şikayətlənirlər.
Şamaxinka deyilən yer, Bakı şəhərində demək olar ki, ən çox marşrut qəbul edən dayanacaqdır. Üzü 20 yanvar metrosuna gələn tərəfdə 3 terminaldan 1-i artıq bir neçə həftədir ki, nasazdır, digəri əmrləri zəif qəbul edir, bəzən isə pulu qəbul edib, balansdakı hesabı artırmır. Ümid qalıb işləyən tək 1 terminala... xidmətsizlikdən dərsə, işə gecikən vətəndaşlar, gərilmiş əsəblər və "göydə uçuşan” söyüşlər. Elə sosial şəbəkələrdə də bu mövzu dəfələrlə müzakirə olunsa da, aidiyyatı qurumlar nə cavablayır, nə də problemin həlli istiqamətində işlər görürlər, ya da ki, o qədər zəif işləyirlər ki, bir problem həll olunmamış digər problemlər yaranır. Əlavə məlumat almaq üçün Bakıkartın saytına girəndə ən son yenilənmiş xəbərin 2015-ci ilə aid olduğunu görərik. Əcaba işlətməyəcəksinizsə, niyə filan qədər xərc çəkib sayt yaratmısınız?


Çəkdiklərinizi bizə göndərin ► +994 70 251 20 99 (whatsapp)

Facebook səhifəsi ► [ Ссылка ]
İnstagram səhifəsi ► [ Ссылка ]

Digər videolarımız ► [ Ссылка ]

свернуть