ਸਰਵਨ ਸਿੰਘ ਫਿਲੌਰ ਨੇ ਆਪਣੇ ਕੈਬਨਿਟ ਮੰਤਰੀ ਦੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ... ਸਰਵਨ ਸਿੰਘ ਫਿਲੌਰ ਨੇ ਇਹ ਅਸਤੀਫਾ ਆਪਣੇ ਪੁੱਤਰ ਦਮਨਵੀਰ ਸਿੰਘ ਦੇ ਨਸ਼ਾ ਤਸਕਰੀ 'ਚ ਨਾਂ ਆਉਣ ਤੋਂ ਬਾਅਦ ਨੈਤਿਕਤਾ ਦਿਖਾਉਂਦਿਆਂ ਦਿੱਤਾ ਹੈ...ਦਮਨਵੀਰ ਸਿੰਘ ਦਾ ਨਾਂ 5000 ਕਰੋੜ ਦੇ ਨਸ਼ਾ ਤਸਕਰੀ ਮਾਮਲੇ 'ਚ ਸ਼ਾਮਿਲ ਹੈ... ਦਮਨਵੀਰ ਦਾ ਨਾਂ ਕੌਮਾਂਤਰੀ ਡਰਗ ਤਸਕਰ ਜਗਦੀਸ਼ ਭੋਲਾ ਨੇ ED ਯਾਨੀ ਇਨਫੋਰਸਮੈਂਟ ਡਾਇਰੈਕਟਰੇਟ ਨੂੰ ਪੁੱਛਗਿਛ ਦੌਰਾਨ ਦਿੱਤਾ ਸੀ... ਜਿਸਤੋਂ ਬਾਅਦ ਮਾਮਲੇ ਦੀ ਜਾਂਚ ਲਈ ED ਨੇ ਦਮਨਵੀਰ ਸਿੰਘ ਨੂੰ ਸੰਮਨ ਭੇਜ ਕੇ 28 ਫਰਵਰੀ ਨੂੰ ਜਲੰਧਰ ਦਫਤਰ ਤਲਬ ਕੀਤਾ... ਪਰ ਦਮਨਵੀਰ ਸਿੰਘ ED ਕੋਲ ਹਾਜ਼ਰ ਨਾ ਹੋਏ... ਦੱਸਿਆ ਜਾ ਰਿਹਾ ਸੀ ਕਿ ਦਮਨਵੀਰ ਸਿੰਘ ਦੁਬਈ ਚਲੇ ਗਏ ਸੀ... ਪਿਤਾ ਸਰਵਨ ਸਿੰਘ ਫਿਲੌਰ ਨੇ ਦੁਬਈ ਜਾਣ ਦੀ ਖ਼ਬਰ 'ਤੇ ਬਿਆਨ ਦਿੰਦਿਆਂ ਕਿਹਾ ਕੀ ਦਮਨਵੀਰ ਨੇ ED ਨੂੰ ਗੁੰਮਰਾਹ ਕਰਨ ਦੀ ਕੋਈ ਕੋਸ਼ਿਸ਼ ਨਹੀਂ ਕੀਤੀ ਸਗੋਂ ਦਮਨਵੀਰ ਦਾ ਪਹਿਲਾਂ ਦੀ ਦੁਬਈ ਦੌਰਾ ਨਿਸ਼ਚਿਤ ਸੀ... ਫਰਵਰੀ 'ਚ ਦੁਬਈ ਜਾਣ ਤੋਂ ਬਾਅਦ ਦਮਨਵੀਰ ਸਿੰਘ ਮਾਰਚ ਵਿੱਚ ਵਾਪਸ ਆ ਗਏ ਸੀ... ਸਵਾਲ ਇਹ ਵੀ ਖੜਾ ਹੋ ਰਿਹਾ ਹੈ ਕਿ ਆਖ਼ਰ ਦਮਨਵੀਰ ਸਿੰਘ ਕਿਉਂ ਲੁਕ ਰਹੇ ਨੇ ਅਤੇ ਕੀ ਕਾਰਨ ਹੈ ਕੀ ਦਮਨਵੀਰ ED ਕੋਲ ਪੇਸ਼ ਨਹੀਂ ਹੋਏ...

свернуть