Ўзбекистоннинг биринчи президенти Ислом Каримовнинг собиқ қудаси ва йирик ишбилармон Саидикром Аҳроров, ўзининг сўзларига кўра, 2003 йилда бир кечада нафақат бизнеси, балки Ўзбекистонни ҳам тарк этишга мажбур бўлган.
У 1990 йилларда Ўзбекистонда қурилган “Медиз” шприц заводи қурилишига бош бўлган ва 18 йил бошқарган. Бу - ўша пайтларда Марказий Осиёдаги илк ва энг йирик шприц заводи эди.
2003 йилда бизнесини ташлаб кетишга мажбур бўлган Аҳроров, 2016 йилда - Ислом Каримов вафот этиб, ўрнига Шавкат Мирзиёев ҳокимиятга келганида, яхши ўзгаришларга умид қилиб Ўзбекистонга қайтганди.
15 йиллик муҳожирликдан қайтганида у 18 йил раҳбарлик қилган завод, Аҳроров таъбирича, ҳувиллаган музейга айланиб қолганди. Яна жамоасини йиғиб, 3 сменада ишлаб, заводни даромадга киритди.
Аммо, ҳеч қанча ўтмай яна заводнинг эшигига қулф урилди. Аҳроров ва жамоасининг иддаосича, бу гал улар молиявий схема қурбонига айланган ҳамда бу схеманинг илдизи то юқори идораларга қадар узайган.
Қуйида Саидикром Аҳроров билан суҳбатни томоша қилинг.
🔴Ozodlik kanaliga obuna bo'ling! 👉 [ Ссылка ]
🔴 Bizga xabar yo'llash uchun 👉 [ Ссылка ]
O‘zbekistonning birinchi prezidenti Islom Karimovning sobiq qudasi va yirik ishbilarmon Saidikrom Ahrorov, o‘zining so‘zlariga ko‘ra, 2003-yilda bir kechada nafaqat biznesi, balki O‘zbekistonni ham tark etishga majbur bo‘lgan.
U 1990-yillarda O‘zbekistonda qurilgan “Mediz” shprits zavodi qurilishiga bosh bo‘lgan va 18 yil boshqargan. Bu - o‘sha paytlarda Markaziy Osiyodagi ilk va eng yirik shprits zavodi edi.
2003-yilda biznesini tashlab ketishga majbur bo‘lgan Ahrorov, 2016-yilda - Islom Karimov vafot etib, o‘rniga Shavkat Mirziyoyev hokimiyatga kelganida, yaxshi o‘zgarishlarga umid qilib O‘zbekistonga qaytgandi.
15 yillik muhojirlikdan qaytganida u 18 yil rahbarlik qilgan zavod, Ahrorov ta’biricha, huvillagan muzeyga aylanib qolgandi. Yana jamoasini yig‘ib, 3 smenada ishlab, zavodni daromadga kiritdi.
Ammo, hech qancha o‘tmay yana zavodning eshigiga qulf urildi. Ahrorov va jamoasining iddaosicha, bu gal ular moliyaviy sxema qurboniga aylangan hamda bu sxemaning ildizi to yuqori idoralarga qadar uzaygan.
Quyida Saidikrom Ahrorov bilan suhbatni tomosha qiling.
#ozodlik #uzbekistan #tashkent #yangiliklar #shavkatmirziyoyev #islomkarimov
