Әлі есімде кішкентай ең бүлдіршін
Жүрген тыңдап мұғалімнің үлгісін.
Қарағым-ай бойжеткен боп қалыпсың
Уақыт неге жүйрік екен кім білсін.
Жүрсің бе әлі балалықты пір тұтып?
Жүрегім де менің оны жүр күтіп.
Дәл бастым ба, адастым ба білмеймін
Әлде сені алам ба екен үркітіп?
Ол кездері тәтті қыз ең, ерке едің
Ерке қыз-ау өзегімді өртедің
Қанша алдыңда белең жатыр белгісіз
Кім біледі өміріңнің ертеңін?
Қандай бақыт сені бүгін көргенім
Неге жаным жатырқадың, келмедің
Сенбей тұрмын шыныменен өзіме
Сол баяғы бүлдіршін қыз сен бе едің?
