Ishte parashikuar që të përmbyllej brenda dy orëve, por zgjedhja e drejtuesit të ri të SPAK-ut zgjati për më shumë se pesë orë dhe në fund të mbledhjes maratonë të Këshillit të Lartë të Prokurorisë, Altin Dumani është emri që do të pasojë Arben Krajën nga e marta.
Në votim morën pjesë 10 nga 11 anëtarët e KLP-së. Esmeralda Keshi nuk ishte pjesë e mbledhjes për shkak të konfliktit të interesit. Prokurori Dumani u votua nga gjysma e anëtarëve të pranishëm, duke marrë pesë vota. Katër vota shkuan për Edvin Kondillin dhe vetëm një për Adnan Xholin.
Për Dumanin votuan Bujar Sheshi, Eloida Goxhaj, Zeqir Hoda, Arta Mandro dhe Ledina Riza. Për Edvin Kondillin votuan Tartar Bazaj, Nurihan Seitaj, Mirela Bogdanit dhe Alfred Ballës, ndërsa për Adnan Xholin shkoi vetëm vota e Sokol Stojanit.
Mbledhja nisi me dëgjimin dhe pyetjen e tre kandidatëve, sipas rendit alfabetik. I pari që u pyet ishte Adnan Xholi, më pas Altin Dumani dhe në fund Edvin Kondilli. Koha që shpenzoi secili kandidat para anëtarëve të KLP-së nuk ishte e barabartë.
Adnan Xholi qëndroi për rreth 40 minuta, Altin Dumani për më shumë se një orë, ndërsa ai që mori më shumë kohë ishte Edvin Kondilli, për më shumë se dy orë. Gjatë dhënies së intervistës dhe bërjes së pyetjeve të prokurorit Kondilli, në sallë mbërriti edhe Ambasadorja Yuri Kim, që u largua vetëm në përfundim të mbledhjes.
E përbashkëta e tre intervistave të kandidatëve për drejtues të SPAK para anëtarëve të Këshillit të Lartë të Prokurorisë ishte objektivi për rritjen e besimit të qytetarëve te SPAK-u, por Adnan Xholi, Altin Dumani dhe Edvin Kondilli u ndanë te mënyra se si forcohet ky besim.
Prokurori Xholi përmes gjuhës së kujdesshme ngriti si shqetësim shortimin e dosjeve për prokurorët. Ai tha se nuk ka pasur problematika, por nevojitet ndryshim i shortimit nga manual, që është aktualisht në elektronik. Kjo, sipas tij, do të shmangte çdo mundësi për manipulimin e shorteve.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#SPAK#TopChannel
