Khamhnak cu ho ca hmanh a tlau ballo. Pathian khamhnak ngai te a tlau kan ti hi cu kan pianthar lo caah a si. Piangthar lo paohpaoh nih cun khamhnak hi a tlau an ti, a tlau tiah an chim ngam lo hmanh ah an zum kho lo. Liberal nih cun a tlau tiah an zumh. An chim ngam le chim ngam lo, an dirpi ngam le dirpi ngam lo lawnglawng hi a si. Tu cu thawngtha dik a karh deuh ngaingai cang caah lawmh a um hringhran.

Khamhnak cu piangthar lo caah sullam a ngeih rih lo caah, piangthar caah khamhnak a tlau lo kan tinak a si. Khamhnak cu piangthar ca lawng ah a si. A piangthar rih lomi a piangthar ding cu an um ko. Cu a piangthar ding mi hna caah aa tel dih.

Saya Cung le Saya Rual Uk hi khamhnak a tlau lo tiah faak bik cem in a dirpi mi Lai thawngtha chim an si. Saya Cung hi a dirpi ning kan teh khawh ngaingai. A tu cu khamhnak a tlau ti a chimmi hi kan um tuk tilo. A piangthar mi le a piangthar lo mi ti deuh lawnglawng kan si cang. Asinain cawnpiaknak hmaan lo le zumhnak hmaan lo cu a um zungzal ding a si caah kan doh ve thluahmah lai i, biatak zong kan dirpi zungzal ve ko lai.

свернуть