Azərbaycanın tarixi adı nədir? - 1700 il əvvəl yazılan kitabdan fakt
Azərbaycanın tarixi adı ilə bağlı müxtəlif tarixçilər fərqli faktlar və iddialarla çıxış edib. Hətta bəzilər elə düşünür ki, Azərbaycan adı XX əsrdə yaranıb və ilk dəfə cümhuriyyətə verilib. İddialardan biri də budur ki, Azərbaycan Stalinin uydurmasıdır. Bəs Azərbaycanın tarixi adı nə olub və Azərbaycanın haranın adıdır?
TV11-də "Tarix unutmur" silsiləsini davam edirik, qaynağımız bakılı alim və səyyah Əbdürrəşid Bakuvinin 14-cü əsrdə qələmə aldığı “Abidələrin xülasəsi və qüdrətli hökmdarların möcüzələri” kitabıdır.

Kitabda göstərilən faktlardan biri də odur ki, Azərbaycan tarixi coğrafi ad olaraq hazırki Cənubi Azərbaycan ərazisinə verilmiş addır. Cənubi Azərbaycan ərazisinin tarixi adı Azərbaycandır və paytaxtı Təbriz şəhərdiri. Həmin mənbədə və ən qədim ərəb mənbələrində hazırki Azərbaycan respublikasının əksər hissəsinin tarixi coğrafi adı Arrandır.

Əbdürrəşid Bakuvi kitabda Arran haqqında yazır:
ARRAN - Azərbaycan, Ərməniyə və Ləzgilər ölkəsinin arasında yerləşən nahiyədir. Burada çoxlu şəhər və kəndlər var. Əsas şəhərləri Gəncə və Beyləqandır. Orada Kür çayı axır. Onun başlanğıcı Curzan ölkəsindədir, sonra o. Abxaz ölkəsindən Allan vilayətinin və Tiflisin yanından keçib Gəncənin, Şəmkürün və Bərdənin qapısı yaxınlığından axır. Bundan sonra Kür, ondan kiçik olan Arazın suları ilə qarışır və Xəzər dənizinə tökülür. Burda balıq ovlamaq üçün bənd qurulub və müxtəlif balıqlar tutulur. Orada çoxlu su quşları və çəltik zəmiləri var.
Radikal izləyicilərə bir daha xatırlatmaq istəyirik ki, bu silsilədə tarixi faktlar mənbəyləri istinad olunaraq təqdim edilir. Səhihliyi və qeyri-səhihliyi barədə qaynağa diqqət edərək nəticə çıxarmaq olar. Bu proqramda təhrif və subyektiv rəy yoxdur.
İzlədiyiniz materialı maraqlı sayırsınızsa, kanalımıza abunə ola bilərsiniz.

свернуть