Бұл – көп жағдайда жолда жылдамдықты асырғаны үшін салынған айыппұл.
Бүгінге дейін соның 30 пайызы төленген. Өңірде өткен жылдың 10 айы ішінде 1763 жол-көлік оқиғасы болған екен. Осындай жағдайларды азайту үшін Ішкі істер департаменті Крис-П жылжымалы фоторадарды қолдана бастады. Ол 4 айға жақын уақыттың ішінде 27 мың жылдамдықты асырған жағдайды тіркеген. Айыппұл көлемі де аз емес. Шекті жылдамдамдықтан неғұрлым көп асатын болса, соғұрлым төлейтін сома көбейе түседі. Жаңа құрылғының тиімділігі бірден байқалған. Жүргізушілер жол тәртібін аз бұзатын болыпты.
Асқар Жүзжасаров, ОҚО ІІД ЖПП батальон командирі:
– Жаңа құрылғы жол-көлік оқиғаларының төмендеуіне алып келді. Өткен жылдың 10 айлық мерзімімен салыстырғанда, жол-көлік оқиғалары 10,7 пайызға, адам өліміне алып келетін жағдай 14,7 пайызға, ал дене жарақатымен ауруханаға түсетіндер 9,5 пайызға төмендеп отыр.
