Енді құрылыс салу үшін үлескердің ақшасын пайдалану тәртібі қаталдана түсті және оны пайдалану ашық түрде жүргізілетін болды. Бұрынғы заңның солқылдақ тұсы көп болғаны да мойындалды. Тақырыпты сараптамалық орталықтан қосылып тұрған әріптесім Әбдез Рахманұлы жалғастырады. Сөз кезегі өзіңізде.
Әбдез Рахманұлы, тілші
-Кеш жарық, Ғани. Талай азамат ақшасын құрылыс компаниясына алдын ала құйып қойып, осы уақытқа дейін не берген ақшасына не пәтеріне қолы жетпей жүр. Ал жаңа заңның не артықшылығы барын қазір анықтап көрейік. Жаңа заң үйден үмітті болып жүрген үлескердің қаржысын біріншіден ретсіз жұмсауға жол бермей, сақтайды және арнайы құрылған қор арқылы кепілдендіреді. Ескерте кетейік, бұл заң бүгінгі күнге дейін жеке тұрғын үй салу саласындағы қалыптасқан үлескерлік жағдайды реттеуге бағытталмаған. Десе де, тұрғын үй құрылысы саласындағы бүгінге дейінгі жинақталған тәжірибе осы құжаттың дайындалуына түрткі болды. Енді үлескерлік құрылысты қаржыландырудың үш әдісі қолданылатын болады. Біріншісі, арнайы құрылған қордың кепілдендіруі. Ол үшін компанияның қарызы аз, меншігінде құрылысы басталған жер телімі болуы керек. Әрине, нарықтағы тәжірибесі ескеріледі. Сонда арнайы қор кепілдеме береді. Екіншіден, екінші деңгейлі банктерден несие алу арқылы құрылыс жүргізеді. Ал үлескердің қаржысынан үмітті болса, нарықтағы беделі жоғары болуы керек.
Ұлан Жазылбек, ҚР Ұлттық экономика министрлігінің департамент директоры
-Құрылыс салушы және өкілетті компания үлескерлердің ақшасын тарту үшін жергілікті атқарушы органға арызданады. Сол рұқсатты алғаннан кейін үлескерлердің аұшасын татуға мүмкіндігі болады. Бірақ та ол ақшаны екінші деңгейлі банктің шешімі бойынша тұрғын үйдің қаңқасы тұрғызылғаннан кейін ғана мүмкіндігі болады. Үшінші әдіс, ол өз қаржысына үйдің қаңқасын тұрғызған соң үлескердің ақшасын ала алады. Ол үшін компанияға қойылатын талап еселеп өседі. Енді қай кезде кепілдендіру жағдайы қолданылатынын айтайық. Егер құрылыс мерзімі себепсіз кешіге бастайтын болса немесе ақшаны ретсіз пайдалану жағдайы анықталып жатса, сосын соттың үкімімен құрылыс компаниясының дәрменсіздігі анықталатын болса, арнайы құрылған кепілдендіру қоры билікті өзіне алады. Үлескер үшін тиімді тұс осы. Қаржысын қадағалайтын қор бар. Осы жағдайлардың барлығын түсіндіретін республикалық веб-сайт та бүгіннен жұмыс істей бастады. Жаңа заңның осындай артықшылықтары бар.
![](https://i.ytimg.com/vi/4f_vD-uR9pU/maxresdefault.jpg)