Rövnəq Abdullayev - Azərbaycan Dövlət Neft Şirkəti və AFFA-nın prezidenti, Milli Məclisin deputatıdır. Azərbaycanın neft sahəsində ən yüksək postu tutan Abdullayev haqda mətbuatda ən çox danışılan mövzu onun öz ətrafında qohumlarından ibarət şəbəkə yaratmasıdır.
12 ildir ki, Azərbaycan Dövlət Neft Şirkətinin rəhbəri olan Rövnəq Abdullayevin adı tez-tez mənimsəmə və korrupsiya hallarında çəkilir. Onun rəsmi maaşının nə qədər olduğu heç vaxt açıqlanmayıb.
Rövnəq Abdullayev 1965-ci ildə Naxçıvanda doğulub. 1989-cu ildə isə Moskva İnşaat Mühəndisləri İnstitutunu bitirərək, “Neft Daşlarında” işləməyə başlayıb. Vəzifəyə gəldikdən sonra isə qohumlarından ibarət şəbəkə yaratdığı bildirilir.
Azərbaycanda “Korrupsiyaya qarşı mübarizə haqqında” qanuna əsasən dövlət rəsmilərinin yaxın qohumları onların nəzarətindəki mövqelərdə işləyə bilməzlər. Belə bir hal baş verərsə, qohumlardan biri 30 gün ərzində istefa verməlidir. Buna baxmayaraq, Rövnəq Abdullayevin yaxın qohumları Dövlət Neft şirkətində yüksək vəzifələrdə çalışır, hətta bəzilərinin tikinti, dəniz - hava daşımaları, idarəetmə və neft layihələrinin satışı ilə bağlı biznesi də var.
Dayısı Nüsrət Əliyev - Neft Emalı Zavodunda Qaz sektorunun müdiri
Dayısı Azad Əliyev Neft Emalı Zavodunda Oksigen sektorunun müdiri
Dayısı oğlu Rəsul Əliyev - SOCAR-da mühim vəzifə
Dayısı oğlu Nihad Əliyev SOCAR-da satış direktoru
Dayısı oğlu Bədəl Əliyev - SOCAR İnformasiya Texnologiyaları Departamentində satınalmalar üzrə menecer
Dayısının nəvəsi Ramil Əliyev EKOL-un baş direktoru
Dayısının nəvəsi Nail Əliyev Neft-Yağ Emalı Zavodunda baş direktor
Oğlu Rəşad Abdullayev
Qaynatası və dayısı Adəm Əliyev - SOCAR Demontaj Departamentinin rəisi
Dayısı oğlu Anar Əliyev
2013-cü ildə “Global Witness” beynəlxalq araşdırma təşkilatı yazırdı ki, özəl şirkətlər Azərbaycan neftindən milyonlarla dollar qazanır. Bu şirkətlərin sahiblərinin kim olduğu isə bilinmir. Lakin beynəlxalq araşdırma təşkilatları onların əsl sahiblərindən bəzilərini üzə çıxarıb…
24 yaşlı Rəşad keçən il İstanbulda sərxoş halda saxlanılması və sürücülük vəsiqəsndən məhrum edilməsi ilə gündəmə gəlmişdi. Lakin bu mediada onun adının hallandığı yeganə hal deyil. Rəşad Abdullayev Türkiyədə təkbaşına 5-dən çox şirkətin sahibidir.
Hələ 17 yaşında olarkən Rəşad Abdullayev İstanbulda SOCAR Trading şirkətində işləməyə başlayır. Sahib olduğu şirkətlərdən biri “Alpha Roger Holding”in isə Bakıda filialı da var. Eyni ünvanda Rəşadın bacısı və Rövnəq Abdullayevin qızı olan Sevinc Abdullayevnın da “AS building” şirkəti qeydiyyatdadır? Bəs bu ünvan kimə aiddir?
Adəm Əliyev
Adəm Əliyev Rövnəq Abdullayevin qaynatası və eyni zamanda dayısıdır. O, Dubayda qeydiyyatda olan “Bahar Enerji Limited” adlı neft şirkətinin sahiblərindən biridir. “Bahar Energy Limited” Azərbaycan neftindən ən böyük pay götürən xarici şirkətdir.
2009-cu ildə prezident İlham Əliyevin sərəncamı ilə iki neft mədəni ( “Qum-Dəniz” və “Bahar” - ekrana gələcək ) istifadəyə verilir. Müqaviləyə əsasən bu mədənlərdən gələn gəlirin 80 faizi Bahar Energy Limited, 20 faizi isə SOCAR-ın payına düşür. Bu günə qədər Dövlət Neft Şirkəti ilə imzalanan heç bir müqavilədə xarici şirkətin payı 50 faizi aşmayıb.
SOCAR-ın həyata keçirdiyi beynəlxalq əməliyyatlarda Adəm Əliyevlə birgə daha bir nəfərin adı çəkilir. Bu gənc biznesmen Anar Əliyevdir. “Global Witness” Beynəlxalq Araşdırma təşkilatı yazır ki, onun SOCAR-la bağlı 50-ə yaxın biznes sövdələşməsi var. Anar Əliyevin Rövnəq Abdullayevin dayısı oğlu olduğu deyilsə də, özü bunu inkar edir.
Anar Əliyev Azərbaycanın xarici bazara çıxardığı xam neftin 60 faizini satan şirkətin sahibidir. Onun təkcə bu şirkətdən qazancı 100 milyon dollardan artıqdır.
Göründüyü kimi, Azərbaycanın neft sənayesi Rövnəq Abdullayev və onun qohumlarının əlində cəmlənib. 2014-cü ilin məlumatına əsasən, onların idarəçiliyi altında 61 000 işçi var. Bəs Azərbaycan neftçisi bu idarəetmədən razıdırmı? Son üç ildə 59 neftçi iş şəraitində həyatını itirib. Müqayisə üçün deyək ki, 260,000 işçisi olan Böyük Britaniyanın neft sənayesi 2014-2016-cı illərdə cəmi 2 neftçi itirib…
Bəs iş prosesi zamanı xəsarət alan və dünyasını dəyişən neftçilərin konpensiyası necə ödənir? 2015-ci ildə SOCAR-ın “Günəşli” yatağında baş verən yanğından sonra Əmək və əhalinin sosial müdafiə naziri Səlim Müslümov bildirdi ki, həyatını itirmiş neftçilərin ailələrinə 80-140 min manat həcmində kompensasiya ayrılacaq. Bəs neftçi ailələri həqiqətən də o konpensiyasını ala bildilərmi?
Kanala abunə ol - [ Ссылка ]
WebSite: [ Ссылка ]
Facebook: [ Ссылка ]
Twitter: [ Ссылка ]
Google+ [ Ссылка ]
İnstagram: [ Ссылка ]
__
Xəbərdən çox xəbər var. #çəkgöndər yayımlayaq #whatsapp : +49 176 16263646
