#kamranmyunis #kamranyunis #şamilənvəroğlu #şeirlər
#poeziyateatrı #hacıxanməmmədov #sevgişeirləri #şiirler
Şamil Ənvəroğlu - Beləmi olur görəsən
Bəstəkar - Hacı Xanməmmədov
Beləmi olur görəsən,
öz-özünə qapanmaq?
evə gəlib səssizcə
yatağına uzanmaq,
yeməyi də,çayı da,saatı da unutmaq?
Beləmi olur görəsən,
bir boşluğa sarılmaq?
Bir sevinci umarkən
yüz acıya ağrımaq?
beləmi olur görəsən,
illərinə ağlamaq?
sabahı da boş verib
öz-özünü danlamaq?
Beləmi olur görəsən,
bu dünyada yaşamaq?
"Tüpürüm dünyaya" deyib
bircə saat keçməmiş tüpürdüyün yalamaq?
Beləmi olur görəsən,
yaşamaqdan yorulmaq,
ömür kimi didilib,
aya,ilə dağılmaq?
Beləmi olur görəsən,
dəli-dəli darıxmaq?
qaraldıqca həyatın
saçlarını ağartmaq?
Demək,belə olarmış,
bu dünyada yaşamaq.
Sevgisini unudub,
ağrısına alışmaq...
![](https://i.ytimg.com/vi/4nYZymqSLT4/maxresdefault.jpg)