• Алла Тағала барлық Өзін атауы мен сипаттауын, жоққа шығару мен бекітудің арасында жинақтады. Алла Тағала айтты: {Айт: Ол Алла, жалғыз. Алла мұңсыз. Ол тумады да, туылмады. Әрі оған ешкім тең емес} (Ихлас, 1- 4).
Басқа аятта: {Ол, көктер мен жердің және екі арасындағылардың Раббысы. Сондықтан Соған құлшылық қыл да, құлшылықта сабырлы бол. Оған аттас (һәм тең келетін) біреуді білемісің?} (Маръям, 65).
Басқа аятта: {Сондықтан да біле тұра, Аллаға ұқсастар (теңдестер) етпеңдер} (Бақара, 22).
Басқа аятта: {Еш нәрсе Ол сияқты емес. Ол Алла, әр нәрсені естуші, толық көруші} (Шура, 11).
Басқа аятта: {Аллаға мысал бермеңдер (Аллаға ұқсастар етпеңдер). Негізінде Алла (бәрін) біледі, сендер білмейсіңдер} (Нахль, 74).
Басқа аятта: {Ол сондай Алла, Одан басқа ешбір тәңір жоқ. Ол әл-Малик (патша), әл-Қудду́с (пәк), әс-Сәлә́м (жетіспеушіліктен аман), әл-Му'мин (амандық беруші), әл-Муһаймин (бақылаушы), әл-Ази́з (аса өктем), әл-Жаббар (өте зор) әл-Мутакаббир (паң). Алла олардың қосқан ортақтарынан пәк}. (Хашр, 23).
Басқа аятта: {Көктердегі және жердегі нәрселер Алланы пәктейді. Патшалық Оған тән, мақтау Оған лайық. Сондай-ақ, Оның құдіреті барлық нәрсеге толық жетуші} (Тағабун, 1).
Басқа аятта: {Айт: «Барлық мақтау, бала иемденбеген әрі мүлкінде еш серігі болмаған, сондай-ақ әлсіздіктен көмекшісі болмаған Аллаға лайық». Және Оны, өте ұлықта} (Исра, 111).
![](https://s2.save4k.ru/pic/4rJObPfn9Ic/maxresdefault.jpg)