إشترك في قناة ماجد خضير الرسمية للحصول على أجدد إصداراته الفنية
‏[ Ссылка ]

لمتابعة ماجد خضير عبر وسائل التواصل الإجتماعي
‏[ Ссылка ]

ماجد خضير - العيد الاول (حصرياً) | 2024
‏Majed Khudair - (Exclusive) | 2024

كلمات : يعقوب العضياني
انتاج فني : استديو تون لايف
تصميم : @ZiyadAlotaibil

-

الكلمات :

أفضّل ظلام الليل ، وابعد عن السمار
وآسامر طيوف ٍ باهية .. والقمر باهي

لها الأولوية . . لو تكون ، الجروح كثار
ورى سور صدرٍ ما تحكّم به . . ألا هي

من الصعب آعاملها مثل باقي الزوار
مرور الزمن ما غيّر . . الآمر ، الناهي

فقدت الهلا والمرحبا والسلام الحار
نِعَم ربي اللي كنت عن شكرها لاهي

(( الا يانحيف الخصر لفّ الزمان ودار
ورحتي ورحت وراح قلبي وانا فاهي ))

مادام ان شعري ياصل الي ورا الاقطار
ابا عايدك وادمح خطا عذرك الواهي

مع العيد الاول فالضحى خلها تذكار
قصيده .. وعيديه .. طلع قافها راهي

تجمّل علي وراعني واكمل المشوار
انا من بعد صدك ماعاد اطعم الشاهي

من يذوق هجرك يدري ان الزمن غدار
ومن يشوف حسنك يدري ان ماله مضاهي

على جيدك السلسال يحتار وش يختار
يمينه حلا ناهي . . يساره ، حلا ناهي

لا قام يتثنى خصرك .. بطيش واستهتار
احنه من الي يشمر الثوب متناهي

زوى قلبي المزوي على دخلة الدوار
اخالف مرور الافضليه وانا ساهي

ومع جرة أقدامك .. يغني حمام الدار
يا متباهي ارحم من يحبك يا متباهي

بقايا حنين وذكريات وقصص وأسرار
هي اللي بقت من سالفة حلمنا الزاهي

وقفت بـ وداعك وقفة التايه المحتار
آجر النفس . . مابين تنهيدتي ، وآهي

مع اني قدرت الزم سكوتي وأنا منهار
يا كثر الكلام .. اللي تردد ، على فاهي

عسى كل وجهٍ طلّته تخطف الابصار
فدا طلة اللي دونها ، وجهي وجاهي

يا سر ابتسامة وجه شاعرك مهما صار
احبك لغيرك ماتكلّم .. بها اشفاهي

لا زلتي !.. تمرين الاحاسيس ، والافكار
ولا زالت الايام !.. بعدك ،، على ماهي

تراي آتمنى آعيش .. ما غاب لك تذكار
اذا أمنيتك اتعيشين.. ما شفتي أشباهي

-
لحفظ وحماية حقوقك انضم الى عائلة الفان
‏[ Ссылка ]

свернуть