Ceyhun Bayramov Fələstinin Baş naziri ilə görüşüb - BAKU TV
Xarici işlər naziri Ceyhun Bayramov Fələstinə rəsmi səfəri çərçivəsində Baş nazir Mohammed Ştayyehlə görüşüb.
Görüşdə Azərbaycan və Fələstin arasında müxtəlif sahələrdə ikitərəfli əməkdaşlıq gündəliyi, çoxtərəfli platformalarda qarşılıqlı fəaliyyət məsələləri, eləcə də regional vəziyyət müzakirə olunub.
İki xalq arasında əlaqələrin tarixi köklərə əsaslandığını, xalqlarımızın möhkəm dostluq münasibətlərinin olduğunu qeyd edən nazir Ceyhun Bayramov Azərbaycan və Fələstin arasında müxtəlif sahələrdə əməkdaşlığın genişləndirilməsi perspektivlərindən danışıb.
Fələstinin Ramallah şəhərində Azərbaycanın Təmsilçilik Ofisinin açılmasının mövcud münasibətlərin inkişafı üçün yeni imkanlar yaradacağına əminlik ifadə olunub.
Ceyhun Bayramov Azərbaycanın Fələstin məsələsinə münasibətdə daim həmrəylik nümayiş etdirdiyini qeyd edərək, ölkəmizin BMT-nin müvafiq qətnamə və qərarlarına uyğun olaraq Fələstin məsələsinin “iki dövlət” prinsipi əsasında həllini dəstəklədiyini və bu mövqenin beynəlxalq təşkilatlar çərçivəsində birmənalı şəkildə ifadə olunduğunu vurğulayıb.
[ Ссылка ]
[ Ссылка ]
[ Ссылка ]
[ Ссылка ]
[ Ссылка ]
Ceyhun Bayramov Fələstinin Baş naziri ilə görüşüb
© 2023 © All Rights Reserved ℗ Baku TV
#ceyhunbayramov #felestin #basnazir
![](https://s2.save4k.ru/pic/53M0L4VRo7c/maxresdefault.jpg)