İstanbulda Vətən müharibəsində əldə edilən şanlı Zəfərin birinci ildönümü və Türkiyənin Respublika Günü münasibətilə tədbir keçirilib. Türkiyədəki Azərbaycanlı İş Adamları Birliyi tərəfindən təşkil olunan mərasimdə çıxış edənlər Azərbaycanın 44 günlük Vətən müharibəsində əldə etdiyi Zəfəri bütün türk dünyasının qələbəsi kimi qiymətləndiriblər. 2020-ci ilin Türkiyə-Azərbaycan münasibətləri baxımından tarixi bir il olduğu, Qarabağın işğaldan azad edilməsi ilə bu münasibətlərin daha mənalı və dərin ölçüyə çatdığı xüsusi vurğulanıb. Azərbaycanın Türkiyədəki səfiri Rəşad Məmmədov qardaş Türkiyənin işğaldan azad edilən ərazilərimizdə aparılan bərpa-yenidənqurma işlərində yaxından iştirak etdiyini bildirib. Türkiyə-Azərbaycan parlamentlərarası dostluq qrupunun rəhbəri Şamil Ayrım isə Türkiyədən və Azərbaycandan olan iş adamlarının bu ayın sonlarında Şuşanı ziyarət edəcəyini deyib.
[ Ссылка ]
[ Ссылка ]
[ Ссылка ]
#İTV
#İTVXəbər
#ictimaitv #video #televiziya #baku #videolar #itv
