Ky është momenti kur një shpërthim i fuqishëm tronditi një nga lagjet më të frekuentuara të Stambollit pasditen e së dielës. Gjashtë persona humbën jetën menjëherë ndërsa 53 të tjerë u plagosën sipas një raporti paraprak të autoriteteve vendase. Ngjarja ndodhi rreth orës 16:20 me orën lokale në një rrugicë në afërsi të sheshit Taksim.

Turma e njerëzve u përfshi nga paniku dhe tentoi të largohej. Në vendin e ngjarjes shkuan forca të shumta të policisë dhe ambulanca për transportin e të lënduarve. Në ajër u ngritën edhe helikopterë. Zyrtarisht shkaqet e shpërthimit janë të paqarta, por Presidenti i vendit Rexhep Taip Erdogan hodhi dyshime për një akt terrorist.

“Do të ishte gabim të thuash menjëherë se ky është padyshim një sulm terrorist, por hetimet fillestare dhe detajet nga guvernatori im më thonë se ai mban erë terrorizmi. Nëse është kështu autorët nuk do të shpëtojnë”.

Askush nuk e ka marrë përgjegjësinë për shpërthimin deri tani. Stambolli dhe qytete të tjera turke kanë qenë në shënjestër në të kaluarën nga separatistët kurdë, militantët islamikë apo grupe të tjera. Dy shpërthime me bomba jashtë një stadiumi të Stambollit në Dhjetor 2016 vranë 38 persona dhe plagosën 155 të tjerë.

SUBSCRIBE to “RTV KLAN” on YouTube for more videos!

Email: info@tvklan.al

Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]

свернуть