Astara rayonunda iribuynuzlu heyvanlar arasında yayılmış naməlum xəstəlik son günlər ətraf rayonların ət satışı məntəqələrində durğunluq yaradıb. Heyvanlar arasında mənşəyi məlum olmayan bu xəstəlik Astara rayonunda qeydə alınsa da Lənkəran əhalisi də bazardan ət almağa ehtiyat edir. Əməkdaşımızın Lənkəranın mərkəzi bazarında aparıdığı araşıdrmaya əsasən məlum olub ki, bu müddət ərzində insanlar daha çox balıq və toyuq əti yeməyə üstünlük verir.
Rayon baytarlıq idarəsinin mütəxəssisi isə deyilənlərlə razılaşmır. O məlum hadisədən sonra ət kəsimi məntəqələrinin daim nəzarətdə saxlanıldığını bildirir. Baytar həkimin sözlərinə görə qırmızı ətə sentyabr və oktyabr aylarında tələbat az olur. Səbəbi isə mövsümlə bağlıdır. Mal əti alanlar isə bu işdə yalnız tanıdıqları qəssablara üstünlük verirlər. Onlar bazarda satılan ətin xəstə olmadığına inanırlar. Qəssablar bildirir ki, heyvanı qonşu rayonlardan Masallı, Yardımlı və Cəlilabad rayonlarından alıb bazarda kəsirlər. Və bu kəsimlər baytar nəzarətində həyata keçirilir. Deyilənləri baytar həkim də təsdiqlədi. Alıcılara tövsiyyə olaraq bildirdi ki, satış məntəqlərində ət alarkən məhsulun möhürlənməsinə diqqət yetirsinlər .Bildirək ki, hazırda bazarlarda mal ətinin qiyməti 6-8, qoyun ətinin qiyməti isə 8-9 manat arasında dəyişir.
,Əfsun Ələskərli Elşən Əhmədov, Lənkəran
Ещё видео!