Një marrëveshje armëpushimi mes Izraelit dhe Hamasit është shumë afër. Shefi i Hamasit Ismail Haniyeh deklaroi se marrëveshja do të bëhet me ndërmjetësimin e Katarit. Pakti do të përfshijë lëvizjen e kamionëve të ndihmës për të furnizuar të gjitha zonat në Gaza dhe transferimin e të plagosurve në vende të tjera për trajtim. Pikë e dokumentit është edhe shkëmbimi të robërve, veçanërisht për gratë dhe fëmijët. Aktualisht ka më shumë se 200 fëmijë të mbajtur në burgjet izraelite, duke përfshirë 26 në paraburgim si dhe 95 gra dhe 37 gazetare.
Mes të tjerash një marrëveshje e tillë do të bënte gjithashtu të mundur lirimin e 240 pengjeve që mbahen nga Hamasi. Bisedat për një marrëveshje të afërt kanë qarkulluar për ditë të tëra. Reuters raportoi javën e kaluar se ndërmjetësit e Katarit po kërkonin një marrëveshje për Hamasin dhe Izraelin për të shkëmbyer 50 pengje në këmbim të një armëpushimi tre-ditor që do të nxiste dërgesat e ndihmave urgjente për civilët e Gazës.
Ndërkaq arena e luftimeve vijon në të gjithë Rripin e Gazës. Të paktën 17 persona janë vrarë në një sulm ajror në kampin e refugjatëve Nuseirat në Gaza qendrore gjatë natës dhe qindra të tjerë janë plagosur. Në spitalin Indonezian në Gazën veriore sërish ka patur ndërprerje të energjisë elektrike dhe internetit, ndërsa sulmet vijojnë brenda tij. Rreth 500 pacientë kanë mbetur brenda. Të gjitha objektet e tjera shëndetësore në gjysmën veriore të Gazës, kanë pushuar së funksionuari, por ende strehojnë pacientë, staf dhe banorë të zhvendosur. Të paktën 13,300 palestinezë janë vrarë, duke përfshirë të paktën 5,500 fëmijë, nga bombardimet e pandërprera izraelite në 6 javët e fundit.
Sulmet vijuan në veri, ku tre shtëpi në kampin e refugjatëve Jabalia u bombarduan përfshirë edhe një shkollë të OKB-së në al-Falouja.
Franca ka dërguar më shumë se 10 ton furnizime mjekësore dhe një anije të dytë spitalore në Gaza. Qeveria franceze do të vendosë gjithashtu avionë civilë dhe ushtarakë për të evakuuar fëmijët e sëmurë ose të plagosur nga Gaza.
Gjithashtu 61 pacientë dhe 49 persona të plagosur mbërritën në Ankara pas evakuimit nga Gaza për trajtim më intensiv. Numri i përgjithshëm i pacientëve që kanë mbërritur në Turqi tani është 150 dhe shumica e tyre janë të sëmurë me kancer. Ndërkaq Sekretari i Përgjithshëm i Kombeve të Bashkuara Antonio Guterres deklaroi edhe njëherë se vrasja e civilëve në sulmet izraelite në Rripin e Gazës është rasti më i pa pashembullt. Ai u bëri thirrje gjithashtu të gjitha palëve, në veçanti Autoritetit Palestinez, të planifikojnë për të ardhmen e Gazës, bazuar në një zgjidhje me dy shtete.
Klan News
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
![](https://s2.save4k.ru/pic/55XkMYgmXG8/maxresdefault.jpg)