Түркияда қаза тапқан отандасымыз Аида Сарабаева елге жеткізілді. Марқұмның денесі бүгін туған жері Жезқазған қаласына қойылды.

Еске сала кетсек, 18 жастағы Аида 6 тамыз күні Түркияның Денизли қаласында жол апатына түскен еді. Туристер мінген автобуста Аидадан басқа тағы 6 қазақстандық болды. Олардың бесеуі дене жарақатымен жергілікті ауруханаға түсті.

Сыртқы істер министрлігінің мәліметі бойынша, ауруханада жатқан отандастарымыздың жағдайлары бірқалыпты.

Айта кетейік, Түркия құқық қорғау органдарының мәліметінше, жол апатына жылдамдықты шамадан тыс асыруы түрткі болған. Қазір қамауға алынған жүргізушіге қатысты тергеу амалдары жалғасуда.

свернуть