Әссаламу алейкум, Асхабус суффа каналына қош келдіңіз!
Құран Кәрімді хатым етудің сауабы жайлы хадистер:
«Құран кәрімді хатым еткен адамға алпыс мың періште истиғфар етеді.» (Дәйләми)
«Құран кәрімді хатым еткен адамның дұғасы қабыл болады.» (Табарани, Ибн Хиббан)
«Құран кәрімді хатым еткен адамның қабыл болған бір дұға ақысынан бөлек, жәннатта бір ағаш та беріледі.» (Хатиб)
«Хатым еткен адамның дүние мен ахиреті үшін жасаған дұғасы қабыл болады.» (Бәйһақи)
«Хатымды оқыған және тыңдағандардың дұғасы қабыл болады.» (Әбу Нуайм)
*ҚҰРАН ХАТЫМНЫҢ ҚАЗАҚША МАҒЫНАСЫ*:
Барлық мақтау күллі ғаламның Раббысы Аллаға тән. Соңғы сыйы тақуаларға болсын! Залымдарға болатын дұшпандық бізге болмасын! Аллаһтың Елшісіне және оның сахабаларына, барлығына Аллаһтың сәлемі мен игілігі болсын! Аллаһым бізден қабыл ете гөр, расында Сен Естуші әрі Білушісің. Йа Раббым! Тәубемізді қабыл ете гөр, расында Сен Тәубені қабыл етуші әрі Мейірімдісің! Бізді тура жолға бастай гөр, және Өзің берген ақиқат жолымен тура жолға сала гөр!
Йа Жомарттардың Жомарттысы осы Құран Хатым берекетімен, Әлемге Рахым ретінде жіберілген Мұхаммедтің (с.ғ.с.) құрметімен бізді кешіре гөр! Йа Мейірімділердің Мейірімдісі бізді кешіре гөр! Өзіңнің кеңшілігіңмен және жомарттылығыңмен біздің күнәларымызды кешіре гөр! Аллаһым Құранның әсемділігімен бізді әсемде! Құранның берекетімен бізде берекетке бөле! Құранның құрметімен бізді құрметте! Құранның жамылғысымен бізді жамылдыр!
Құранның шафағатымен Жәннатқа кіргізе гөр! Құранның құрметімен барша дүниедегі бәлелер мен ахиреттегі азаптан бізді сақтай гөр! Уа Рахымды да Мейірімді! Мұхаммедтің (с.ғ.с.) барша үмметін өз мейіріміңе ала гөр! Йа Аллаһым! Құранды бізге бұл дүниеде серігіміз ете гөр, қабірде досымыз ете гөр, қияметте шафағатымыз ете гөр және Сырат көпірінде нұр ете гөр! Жаннатқа жетелейтін досымыз ете гөр! Тозақтан пана әрі перде ете гөр! Өзіңнің кеңшілігіңмен, барлығыңмен, ұлылығыңмен Уа Жомарт Иесі барша жақсылықтарға жетелейтін дәлел мен жол бастаушы ете гөр! Йа Аллаһым Құранның туралығымен тура жолға сала гөр! Құранның кереметімен тозақтан бізді құтқара гөр!
Құранның кеңшлігімен біздің дәрежемізді көтере гөр! Құранды оқуымызбен жамандықтарымызды жасыра гөр! Кеңшілік пен жақсылықтардың Иесі, йа Аллаһым жүректерімізді тазарта гөр! Айыптарымызды жасыра гөр! Дерттерімізге шипа бере гөр! Қарызымызды өтеп бере гөр! Жүздерімізді ағарта гөр! Дәрежелерімізді көтере гөр! Әкелерімізді мейірімге ала гөр! Аналарымызды кешіре гөр! Йа Аллаһым Ұлық болған Құранның құрметімен түрлі апаттардан, аурулардан, бәлекеттерден елімізді, малымызды, халқымызды сақтай гөр! Қадамдарымызды бекем ете гөр және кәпір қауымына қарсы күш-қуат бере гөр! Дініміз бен дүниемізді дұрыстап бере гөр! Дұшпандарымызды бізге қарсы біріктірме!
Йа Аллаһым Пайғамбарымыздың (с.ғ.с.) рухына, барша пайғамбарлар мен елшілердің рухтарына (барлығына Аллаһтың игілігі мен сәлемі болсын), отбасыларына, бала-шағаларына, әйелдеріне, сахабаларына, табиғиндеріне, бүкіл барша ұрпақтарына (баршасына Аллаһ разы болсын), сондай-ақ ата-бабаларымыздың, аналарымыздың, бауырларымыздың, әпке-қарындастарымыздың, бала-шағамыздың, жақындарымыздың, туыстарымыздың, сүйіктілеріміздің, жолдастарымыздың, ұстаздарымыздың, ұстаздарымыздың ұстаздарының, бабаларымыздың, біздің ақысы барылардың, барша момын және момын әйелдердің, мұсылман және мұсылман әйелдердің, оладың тірілері мен дүниеден өткендерінің барлықтарының рухтарына оқыған Құранның сауабы мен тіләуатіміздің нұрын жеткізе гөр! Йа қажеттерімізді Өтеуші, дұғаларымызға жауап Беруші, Мейірімділердің Мейірімдісі Өзіңнің мейіріміңмен дұғаларымызға жауап бере гөр! Йа Аллаһым жіберілген елшілеріңе сәлемің болсын! Барлық мақтау күллі ғаламның Раббысы Аллаға тән.
#құранкәрім #хатым #құранхатым
