Mkuu wa Mkoa wa Tanga, Balozi Batilda Burian amesema Sh683 milioni zimetumika kununua magari ya viongozi wa maeneo mbalimbali.
Akikabidhi magari hayo kwa wakuu wa wilaya za Pangani, Korogwe na Kilindi leo Jumanne Julai 16, 2024, amewapongeza kufanya vizuri kwa kukusanya mapato kwa asilimia 130.
Mkuu wa Wilaya ya Kilindi, Hashim Mgandilwa ameelezea jinsi gari analotumia awali, lilivyotembea umbali mrefu na kueleza alikuwa akipata maumivu ya mgongo, kutokana na hali ya gari lilivyo.
"Ukitazama gari langu mheshimiwa mkuu wa mkoa limetembea kilomita 437,822 nimepata gari hili jipya sasa ari itaongezeka ya utatuzi wa kero na usimamizi wa miradi, lakini kupitia chombo hiki kipya hata migongo haitaleta shida," amesema Mgandilwa.
![](https://s2.save4k.ru/pic/5T__KNVQC2Y/maxresdefault.jpg)