څه ګلونه، څه رنګونه څه نغمې کړم
ستا د ښار خبرې ستا په شان خوږې کړم

د تيارو د غرور سترګې به رنړې کړم
پرهرونه به په لارو کښې ډيوې کړم

څوک چې ما او تا يو ځای ليدلی نه شي!
ورپسې به هغه ستا د خُولې خيرې کړم

د جانان د خوبولو سترګو ياده
ته راځې که د زخمونو ډيوې مړې کړم

زه د هر محفله ستړی کورته راشم
زه په هر اتڼ کې ځان ذرې ذرې کړم

هغه سترګې دې يو څو ورځې زما شي
چې د مينې په خوبونو يې مړې کړم

د سپرلي له خوا په دومره نصيب غواړم
چې د ګُل شونډې پخپلو وينو سرې کړم

شاعر: صاحب شاه صابر
سندرغاړی: اعجاز افق

#ijazufaq
#pashtoghazal
#pashtosong
#pashtonewsong
#pashto
#pashtopoetry
#pashtoshayari
#pashtosong
#afghan
#afghanistan
#afghanmusic
#pashtomusic
#

свернуть