کراچی (رپورٹ سید عبدالقدیر شاہ ) انٹرنیشنل ہیومن رائٹس کونسل(IHRC) کے ایگزیکٹو ممبر ورلڈ ، سینئر پیٹرن ایشیا ، انٹرنیشنل پریس میڈیا کونسل کے مرکزی پینل ایگزیکٹو ممبر اور پاکستان نیشنل پریس کلب کراچی کےسر پرست خصوصی محترم ڈاکٹر ذاکر حسین عادل نے پاکستان کے پریس کلب کی رجسٹریشن ، طریقہ انتخابات ، رہائشی اسکیموں میں صحافیوں کی نمائندگی ، حکومتی گرانٹ اورفنڈ میں صحافیوں کے ساتھ امتیازی سلوک اور اور دیگر نا مناسب رویوں پر عدم اطمینان کا اظہار کر تے ہوئے کہا ہے کہ صحافت اور صحافی کسی ریاست اور حکومت کا اہم ستون گردانے جاتے ہیں لیکن المیہ یہ ہے کہ انکے لئے ابتک کوئی جامع لائحہ عمل نہیں بن سکا جس سے صحافیوں کو منصفانہ طور پر استفادہ حاصل ہوتا، محترم ڈاکٹر ذاکر حسین عادل نے کہا کہ بہت کم تعداد میں اگر منظور نظر اور خو شامد پسند لوگ صحافت اور صحافتی وقار کو گر کر مراعات حاصل کر رہے ہیں تو یہ صحافتی نما ئندگی نہیں بلکہ مصلحت پسندی ہے اور ان حقائق کو دیکھنے اور سمجھنے سے وفاقی اور صوبائی حکومتیں ابتک قاصر ہیں اور ویسے بھی مستند اور سینئر ترین صحافی ایسی مصلحتوں سے بالا تر ہو تے ہیں انھیں انکا مقام خود دینا چاہیے یہ کسی کے لئے ہتک کی بات نہیں بلکہ اعزاز کی بات ہے۔ محترم ڈاکٹر ذاکر حسین عادل نے کہا کہ ڈسٹرکٹ پریس کلب کورنگی ایسی ہی مصلحتوں کا شکار ہے ضرور ت اس بات کی ہے کہ مقررہ وقت پر الیکشن ہوں اور حکومت ، عدلیہ ، انتظامیہ آزادانہ الیکشن کو تقویت پہنچائے ۔ محترم ڈاکٹر ذاکر حسین عادل نے الیکشن کرانے کے حامی گروپ کی کوششوں کو سراہا اور اپنی جانب سے ہر ممکنہ تعاون کا یقین دلایا ۔
