Nazirlər Kabinetinin əhali üzrə elektrik enerjisinin aylıq istehlak həcminin tənzimlənməsi ilə bağlı ötən gün verdiyi qərar aprel ayından etibarən ardıcıl iki hesabat ayını əhatə edəcək. Belə ki, aprel-may aylarında elektrik enerjisi sərfiyyatı artırılmış limitlə hesablanacaq.
Elektrik enerjisi sərfiyyatına görə limitlərin 300 kilovat/saatdan 400 kilovat/saata artırılması əhalinin evdə qalması ilə bağlı elektrik enerjisindən istifadənin çoxalmasına görədir. "Azərişıq" ASC-dən də bildirirlər ki, artıq qanuna uyğun şəkildə sistemlər tənzimlənib.
2 aylıq müddət o deməkdir ki, qərar aprel və may aylarını əhatə edir.Yəni apreldə mart ayının sərfiyyatları abonentlərə bildiriş olaraq verildiyi üçün may ayında aprelin sərfiyyatı veriləcək və həmin vaxt 400 kilovat/saat nəzərə alınacaq.
Həmçinin iyun ayında mayla bağlı veriləcək bildirişlərdə də 400 kilovat/saatlıq limit üzrə hesablama aparılacaq. 400 kilovat/saatlıq limitlə bağlı artım yalnız əhali qrupu abonentlərinə şamil olunur. Onu da deyək ki, qurum koronovirus təhlükəsi ilə əlaqədar təmasların minumuma endirərək, elektron bildiriş sistemini təqdim edib. Abonentlər azerişıq.az saytında bu sistem vasitəsilə elektron bildiriş bölməsində qeydiyyatdan keçməklə enerji sərfiyyatı barədə bildirişləri elektron qaydada ala bilərlər. Eyni zamanda müvafiq borcları da bu sistem vasitəsilə ödəmək mümkündür.
Ещё видео!