Sa una aakalain mong totoo pero huwag magpaloko sa mga scam text messages.
Ang MMDA ay walang ipinapadalang text message o ano mang notice na nagsasabing kailangan bayaran ang multa sa pamamagitan ng isang link.
Kung tutuusin, hindi rin kinukuha ng traffic enforcers ang inyong personal na numero kapag kayo ay nahuhuli.
Ang link sa text message ay ididirekta ka sa pekeng website na ginagamit ang pangalan ng Land Transportation Office at sinasabing kapag inilagay ang iyong plate number ay malalaman mo ang iyong traffic violation hanggang sa kung paano babayaran ang multa.
Kayo ay pagbabayarin ng multa sa pamamagitan ng online payment channels kapag itinuloy ang proseso ng scammers.
Patuloy na nakikipagtulungan ang MMDA at LTO sa mga awtoridad upang mahuli ang mga nasa likod ng mga panlolokong ito sa mga motorista.
Huwag pindutin ang link na may kahina-hinalang text message upang makaiwas sa pagbibigay ng personal at sensitibong impormasyon.
Mag-ingat ang lahat sa scammers, manloloko, at magnanakaw.
Kung may natatanggap na kahina-hinalang mensahe o post sa social media, maaaring tumawag sa MMDA Hotline 136 o magpadala ng mensahe sa MMDA official accounts.
#mmda #ScamAlert
![](https://i.ytimg.com/vi/5sMP23bDoEY/maxresdefault.jpg)