Gədəbəydə 17 yaşlı qızın 50 yaşlı kişi ilə evləndirilməsi xəbəri sosial şəbəkədə gündəm olub.
DİN-nin mətbuat xidmətinin Gəncə şəhərindəki regional qrupunun baş inspektoru Eşqin Qasimov məsələ ilə bağlı açıqlama verib.
O, açıqlamasında qeyd edib ki, hadisə ilə bağlı polis bölməsinə məlumat daxil olub və araşdırılma aparılır: “Gədəbəy rayonunda 17 yaşlı qızın yaşlı biri ilə nişanlanması ilə bağlı Gədəbəy polis idarəsində araşdırma aparılır. Araşdırma zamanı qızın 17 yaşının tamam olduğu məlum olub. Onların nikaha daxil olması ilə bağlı hər hansı məlumat yoxdur. Məsələ ilə bağlı araşdırma aparılır”.
Oxu.Az-ın əldə etdiyi məlumata görə, E.Şəkərbəyli dörd dəfə evlənib-boşanıb. Bu, onun beşinci evliliyidir. Hazırda nişanlandığı 17 yaşlı qızla oğlunun nişanında tanış olub. Belə ki, kişi oğlunun nişanında gəlinin bacısını görüb, bəyənib. Daha sonra oğlu ilə nişanlısı ayrılsa da, kişi ilə 17 yaşlı qız evlənməyə qərar verib.
Ещё видео!