Ауылым қимай саған бет бұрамын,
Тауыңнан тамырыма өтті қаным.
Далам болсаң ауасы жайдар ескен,
Мен құланың төсіңде шауып өскен!
Анам болсаң қартаймас, мен нәрестең,
Келген сайын еркелеп желіп өскен .
Тағы неге теңейін ақ бұлағым?!
Басқа жерде мен қалай шат құрамын?
Тағдыр сансыз сапар әкеп қойса да,
Өзіңнен басқа жерді жат қыламын.
Ауылым ай,ұйқым қашты түндігімнен,
Қаным тамған жер едің кіндігімнен.
Ата апамнан бата алып жүруші едім,
Батаменен аттанамын енді кімнен?
Туған жерім жайланайын төрлігіңнен,
Өлмейтұғын айналайын өрлігіңнен.
Жұрты жайсаң осындай ауылымдай,
Бауыр басар табамын елді кімнен?
Есте қалды анамдар сиыр сауым,
Тартып тұрар әкемдер бір бұзауын.
Өрісте қойды баққан балаң едім,
Өрістеді есесіне ынтызарым.
Аман бол, дариялар, ұлы тауым,
Аман бол, қариялар, тірі қауым.
Аман бол бауыр менен қарындастар,
Аман бол Жер Жәннәті - Жылытауым!
Темірлан Оралбекұлы 2022
Ещё видео!